Tadbir bo’ladigan joy mustaqillik sharofati bilan qo’lga kiritilgan yurtimiz tasvirlangan suratlar bilan bezatilgan

1-o’quvchi:
Jim do’stim,bir lahza sukut saqlaylik
Baxtimiz qurboni bo’lganlar haqqi,
Nomlarin yod etib, bir-bir yo’qlaylik,
Xalqim deb, yurtim deb o’tganlar haqqi.


2-o’quvchi:
Ular yosh edilar, hayotga tashna,
To’yib ham totmagan sevgi otashin,
Umid g’unchalari barg yozmay yashnab,
Abadiy qo’ydilar tuproqqa boshin.
3-o’quvchi:
Ota edi ular oilaga bosh,
Faxrlanib eslar o’g’il-qizlari,
Nogahon ko’zlarda sizib chiqar yosh,
Urush slogan dardning bitmas izlari.
4-o’quvchi:
Fidolar qabrida kezamiz beun,
Ma’yus bir kuy chalar qalbim torlari,
Alvon gul chechaklarga burkanib bu kun,
Bunda yotar baxtim ijodkorlari.
5-o’quvchi: -Xotira va qadrlash kunida xalqimiz, avvalo, istiqlolimiz, Vatanimiz sharafi uchun jonini fido qilgan insonlarni yodga oladi.
- 9-may -Xotira va qadrlash kuni munosabati bilan o’tkazilayotgan xayriya tadbitlarida xalqimizga xos ezgu fazilatlar yorqin namoyon bo’ladi.
- Oltin meris tarixini qadrlaydigan bizdek yoshlari bor yurtning kelajagi ham o’tmishi kabi buyuk bo’ladi.
6-o’quvchi: Poytaxtimiz markazida 1999-yil 9-may kuni “Sahidlar xotirasi” maydoni ochildi. Majmuada mangu alanga yodgorligi va jigarbandini urishga jo’natib, qaytishini intizor kutayotgan “Motamsaro ona” haykali o’rnatilgan. Xiyobon ayvonidagi kibobga 2-jahon urushida halok bo’lgan 450 mingga yaqin yurtdoshlarimizning nomi zarhal harflar bilan bitilgan.
1-o’quvchi: -Xotira maydonlari yurtimizning boshqa viloyatlarida ham o’rnatilgan.
2o’quvchi:
Bunda necha avlodlarning sog’inchlari bor,
Bunda nomlar jimirlatar jon birla tanni,
Ustunlar ham xotiraning o’ziday poydor,
Ko’tarib turganday ulug’ vatanni.
3-o’quvchi: -Qatog’on yillarida qatl etilgan ma’rifatparvar bobolar Bo’zsuv sohili kanalidagi “Alvastiko’prik” deb nom olgan jarlikka nom-nishonsiz ko’mib tashlangan edi. Ajdodlarimiz xotirasini abadiylashtirish maqsadida 2000-yili bu joy obod bir go’shaga aylantirilb, “Shahidlar xotirasi hiyoboni” deya nomlandi. Keyinchalik shu nom bilan muzey va jamg’armalar tashkil etildi.
4-o’quvchi: -O’tmishga bir nazar solsak, mustaqillikka erishgunga qadar, ajdodlarimiz ko’p qiyinchiliklarga duch kelganiga guvoh bo’’lamiz.ularning ruhi, shijoati qalbimizni also tark etmaydi.
( Jumaniyoz Jobborning “Shahidlar yodi”, Muhammad Yusufning “Yurtim, ado bo’lmas armonlaring bor” she’rlari o’qilgach, “Ajdodlar ruhi” qo’shig’I sadolari ostida improvizatsiya asosidagi sahna ko’rinishi namoyish etiladi ).
O’qituvchi: -Azizlar! Tinchliginiz, musaffo oamonimiz, mustaqilligimizning qadriga yetaylik.
1-boshlovchi: -Hurmatli mehmonlar, bugunga “Xotira – aziz, qadr – muqaddas”, deb nomlangan tadbirimiz nihoyasiga yetdi. Barchangizga sog;lik, uzoq umr tilaymiz.
2-boshlovchi:
O’tmishdan bizlarga eshitilar sas,
Bir zum bu ovozga quloq tutsang bas,
Zamin aylansa-da, yillar o’tsa-da,
Birgalikda: Xotira – aziz, qadr – muqaddas!


Urganch tumani 16-son maktabning boshlang’ich sinf o’qituvchisi Babajanova Gulnoraning 9-may Xotira va qadrlash kuniga bag’ishlangan “Xotira – aziz, qadr – muqaddas” mavzusidagi
tadbir ssenarisi.

“Jannat — onalar oyog‘i ostida”