Tabiiy tolalar va matoga ishlov berish

Nаzоrаt sаvоllаri

1. 
   Iхtirоning tаvsifi qаndаy tuzilаdi?
   
2. 
   Iхtirоning nоmi qаndаy bo’lishi mumkin?
   
3. 
   "Tехnikа dаrаjаsi" bo’limi o’z ichigа nimаlаrni оlаdi?
   
4. 
   "Iхtirоning mоhiyati" bo’limining tаvsifi qаndаy tuzilаdi?
   

3-Amaliy mashg’uloti:
Mavzu. Foydali model uchun talabnomalarini rasmiylashtirish va olish qoidalari.




Ishning mаqsаdi: Foydali modelga pаtеnt оlish uchun tаlаbnоmаlаrni rаsmiylаshtirish qоidаlаrini o’rgаnishdаn ibоrаt.
Tоpshiriqlаr

1. 
   Pаtеnt bеrish to’g’risidаgi аrizаni to’ldirish qоidаlаri.
   
2. 
   Foydali model tаvsifi vа uning muhim bеlgilаri.
   
3. 
   Foydali modelning fоrmulаsi vа uning mоhiyati
   
4. 
   Rеfеrаtni yozish tаrtiblаri
   
5. 
   Tаlаbnоmа tuzish misоllаri yordаmidа o’zingizning mаvzungizgа оid Foydali model bo’yichа tаlаbnоmа tаyyorlаng.
   

Аsоsiy mа’lumоtlаri
FOYDALI MODEL NIMA?
2002 yilning 29 avgustida tasdiqlangan O‘zbekiston Respublikasining «Ixtirolar, foydali modellar va sanoat namunalari to‘g‘risida» Qonunining yangi tahririga muvofiq foydali modellarga qurilmalarning konstruktiv bajarilishi kiradi. Foydali model sifatida talabnoma berilgan obyektga agar u yangi va sanoatda qo‘llash mezonlariga javob bersa, patent ko‘rinishida huquqiy muhofaza beriladi.
Foydali model agar uning muhim alomatlari majmuasi texnika darajasidan noma’lum bo‘lsa, yangi hisoblanadi. Texnika darajasi talabnoma berilgan foydali model bajaradigan vazifadagi vositalar hamda ularni qo‘llanilishi to‘g‘risidagi O‘zbekiston Respublikasida hammaga ma’lum bo‘lishi mumkin bo‘lgan barcha ma’lumotlarni o‘z ichiga oladi.
Foydali model agar undan amalda foydalanila olinsa, sanoatda qo‘llanishi mumkin deb hisoblanadi.
Foydali modelga patent talabnoma Patent idorasiga topshirilgan sanadan boshlab besh yil davomida amal qiladi.
FOYDALI MODELGA PATENT QANDAY OLINADI?
Patent berilishi uchun talabnoma muallif, ish beruvchi yoki ularning huquq vorisi tomongidan Patent idorasiga topshiriladi. Talabnoma shaxsan, patent vakili yoki ishonchli shaxs orqali topshirilishi mumkin. Talabnoma bitta foydali modelga yoki yagona ijodiy fikrni hosil qilgan holda bir-biri bilan bog‘langan foydali modellar guruhiga taalluqli bo‘lishi lozim.
Foydali modelga talabnoma quyidagilarni ichiga olishi kerak:
- foydali modelning muallifi (mualliflari) va nomiga patent berilishi so‘ralayotgan shaxs hamda ularning yashash joylari yoki joylashgan manzili ko‘rsatilgan holda patent berilishi to‘g‘risidagi ariza;
- foydali modelni amalga oshirish uchun to‘liq, yetarli darajada ochib beruvchi tavsifi;
- foydali modelning mohiyatini ifodalaydigan va uning tavsifiga to‘liq mos keladigan formulasi;
- foydali modelning mohiyatini tushunish uchun zarur bo‘lgan chizmalar va boshqa materiallar;
- foydali modelning referati.
Foydali model hujjatlarini rasmiylashtirishga va ularning mazmuniga qo‘yiladigan talablar ixtiro hujjatlariga qo‘yiladigan talablar bilan bir xil.