Tabiiy resurslar / Suv va suvdan foydalanish]

104-modda. Suvning zararli ta’siri natijasida yuz beradigan tabiiy ofatlarning oldini olish va ularni tugatishga doir eng zarur choralarni amalga oshirish
Oldingi tahrirga qarang.
Suvning zararli ta’siri natijasida yuz beradigan tabiiy ofatlarning oldini olish va ularni tugatishga doir eng zarur choralarni amalga oshirish yo‘llari qonunchilikda belgilab beriladi.
(104-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhi
Batafsil ma’lumot uchun O‘zbekiston Respublikasining “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish to‘g‘risida”gi Qonuniga qarang.
Oldingi tahrirga qarang.
Ma’muriy tuman hududida toshqin va sel bo‘lganda avariya holatlarining oldini olish hamda tugatish ishlarini bajarishni tuman davlat hokimiyati organlari tashkil etadilar.
(104-moddaning ikkinchi qismi O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
Oldingi tahrirga qarang.
Suvning zararli ta’siri natijasida yuz beradigan tabiiy ofatlarning oldini olish va ularni tugatish ishlariga operativ rahbarlik qilish uchun O‘zbekiston Respublikasi Vazirlar Mahkamasi, viloyatlar, tumanlar va shaharlar davlat hokimiyati organlari zarur hollarda toshqinga qarshi kurash komissiyalari va boshqa komissiyalar tuzadilar, bu komissiyalar tarkibiga tegishli korxona, tashkilot va muassasalarning vakillari, shuningdek suv xo‘jaligi va ekologiya va atrof-muhitni muhofaza qilish organlarining vakillari kiradi.
(104-moddaning uchinchi qismi O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririda — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)