Tabiiy gaz tarkibidagi nordon gazlarni fizik-kimyoviy usul bilan ajratish jarayonini takomillashtirish

2.5. Ko’pirishga qarshi ingibitorni qabul qilish, saqlash va purkash.

Ko'pirishga qarshi ingibitor RA-1720 komplekt qurilmadan beriladi. Komplekt qurilma FB-1720X ingibitorni saqlash sig'imi va ikki nasosdan:

• ingibitorni past bosimda (1) va (3) nuqtalardan berish uchun mo’ljallangan GA-1720AX diafragmali, me'yorlovchi nasosdan;

• ingibitorni yuqori bosimda (2) nuqtadan berish uchun mo’ljallangan GA-1720BX plunjerli, me'yorlovchi nasosdan tashkil topgan.

Bochkalar konteynerlardan ko'pirishga qarshi ingibitorni FB-1720X sig'imiga quyib olish, kuchma rotorli nasos bilan, tutashtiruvchi quyib olish muftasi orqali amalga oshiriladi.

Atrof-muhitning past haroratlarida ishlatish vaqtida eritmaning qovushoqligini

pasaytirish va muzlab qolishini oldini olish uchun, sig'imga zmeevik o’rnatish

ko'zda tutilgan, unga past bosimdagi bug' beriladi.

Ko'pirishga qarshi ingibitor FB-1720X sig'imidan GA-1720X nasos yordamida davriy ravishda, suyultirilmagan holda uch oqim bilan:

regenerasiyalangan DEA eritmasining quvuro'tkazgichlariga, GA-1701, GA-1701S nasoslaridan oldin;

regenerasiyalangan DEA eritmasining quvuro'tkazgichiga EC-1701A-F HSA lardan keyin;

DA-1702 aminni bug'lash kolonnasining "ho’llash" suyuqligini berish quvuro’tkazgichga beriladi.

Ko’pirishga qarshi ingibitorning miqdori PDI-17010 va PDI-17005 bosimlar farqini ulchash asboblari bilan nazorat qilinadi.