Tabiiy fanlar fakulteti “Himoyaga ruxsat etilsin”

MAVZUNING DOLZARBLIGI. Hozirgi hayotimizning murakkablashuv sharoiti, ilm- fan taraqqiy etayotgan bir paytda turli og’ir xastaliklarning davosi topilmoqda. Teri kasalligining haligacha to’liq davolash va sabab oqibati to’liq aniqlash imkoni topilmayotgani aholining sog’lig’iga jiddiy xavfligicha qolmoqda . Bugungi kunda teri kasalliklari ko’paymoqda va inson hayotining asosiy muammolaridan biriga aylanmoqda va aholi bunday kasalliklardan a`ziyat chekmoqda. Bu kasalliklar quydagilardan iborat: Chipqon, gerpes, qipiqli temiratki (Psorioz), oq dog’, qizil yuguruk, sklerodermiyya kabi kasalliklari odamlarni hayotiga raxna solmoqda. Bu kasalliklarining avj olishiga sabab shaxsiy gigiyenaga rioya qilmaslik va e’tiborsizlikdir. Teri kasalliklarining kelib chiqishida tashqi muhitdan bakteriyalar, zamburug’lar, viruslar va gigiyenik holat muhim ahamiyatga ega. Teri kasalliklari haqida o’quvchilar ongida tushuncha hosil qilish, bu kasalliklar profilaktikasini targ’ib etish, teri kasalliklarini keltirib chiqarishi mumkin bo’lgan omillardan himoyalanishni o’rgatish, tibbiy savodxonlikni oshirish dolzarb ishdir. Yangi o’sib kelayotgan avlodda ushbu bilimlarni hosil etish ularning nafaqat o’zini sog’lig’ini saqlash garovi , balki uning oilasi ichiga ham kira olib profilaktikani yoyishga yordam beradigan samarali usuldir. Bu vazifani odam va uning salomatligi, biotexnologiya, genetika, genetic injeneriya, viruslar va har xil parazitlar aks etgan mavzulardagi darslarda va sinfdan tashqari mashg’ulotlarda amalga oshirish mumkin. Mening maqsadim teri kasalliklari va uni oldini olish maqsadida o’quvchilar savodxonligini oshirishdan iborat.