Tabiiy boyliklardan va suv resurslardan foydalanuvchilar uchun soliqlar va maxsus to‘lovlar yer osti boyliklaridan foydalanganlik uchun soliqni to‘lovchilar va soliqqa tortish ob'ektlari

Qisqacha xulosalar

Yer ostidan foydalanganlik uchun soliq umumdavlat soliqlari tarkibida yangi soliq turlaridan bo‘lib, atrof-muhitga yetkaziladigan zarar oqibatlarni bartaraf etish maqsadida joriy etilgan. yer osti boyliklaridan foydalanganlik uchun soliq davlatning moliyaviy resurslarga bo‘lgan ehtiyojni qondirish maqsadida qonun tomonidan belgilab qo‘yilgan me'yorda va o‘rnatilgan muddatda O‘zbekiston Respublikasi hududida foydali qazilmalarni qazib olish, texnogen hosilalardan foydalanish, shuningdek chaqnoq toshlar xom ashyosi namunalari, paleontologik qoldiqlar va boshqa geologik kolleksiya materiallarini yig‘ish bilan shug‘ullanadigan yuridik va jismoniy shaxslardan davlat ixtiyoriga majburiy ravishda undirib olinadigan to‘lovlardir.

Suv resurslari mamlakatimizning katta boyligi hisoblanib, undan samarali foydalanish har bir O‘zbekiston Respublikasi fuqarosining burchi hisoblanadi. Shuning uchun suv resurslaridan oqilona va tejamkorlik bilan foydalanish muhim ahamiyatga ega. Suv resurslaridan foydalanganlik uchun soliqni hisoblash mexanizmi qanchalik mukammal bo‘lmasin uni suv tanqisligi sharoitida qayta ko‘rib chiqish zarurdir. Suv resurslaridan foydalanganlik uchun soliqni belgilashda soliq to‘lovchilarni iqtisodiy holati va hududiy joylashishiga qarab o‘ziga xos xususiyatlarini inobatga olgan holda belgilash lozim.