Tabiiy birikmalar kimyosidan praktikum ( uslubiy qo’llanma)

OKSIKISLOTALAR 
α
- oksikislotalarga hos sifat reaksiyasi 
Kerakli asboblar: 1. Shtativ probirkalari bilan.
Reaktivlar: 1. Sut kislota.
2. Sirka kislota.
3. Fenol eritma.
4. Temir (III)- xlorid, 3% eritma.

Ikkita probirka olib ularga temir (III) - xloridning 3% li eritmasidan 0,2 ml dan 
solib ustiga fenolning to’yingan eritmasidan binafsha rangli temir fenolyati hosil 
bo’lguncha tomchilatib qo’shamiz. Birinchi probirkaga 0,5 ml sut kislota, ikkinchi 
probirkaga 0,5 ml sirka kislota quyamiz. Birinchi probirkada temir fenolyatidan sut 
kislotasi fenolni siqib chiqarib temir laktatining murakkab kompleks tuzini hosil qiladi 
va eritmaning rangi binafshadan yashil - sariqqa o’tadi. Ikkinchi probirkada eritmaning 
rangi o’zgarmaydi.
Sut zardobidagi sut kislotasini temir (III) - xlorid 
ta’sirida aniqlash 
Kerakli asboblar: 1. Shtativ probirkalari bilan. 
Reaktivlar: 1. Sut zardobi.
2. Fenol eritma.
3. Temir (III) -xlorid, eritma.

Probirkaga 0,5 ml temir (III)- xlorid eritmasidan solib ustiga binafsha rang hosil

---

19 
bo’lguncha fenol eritmasidan qo’shamiz. So’ngra fenolyatga qatiq yoki sut zardobidan 
1ml qo’shsak sarg’ish - yashil rang hosil bo’ladi.
Salitsil kislotada fenol gidroksili borligini temir (III) -
xlorid ta’sirida aniqlash 
Kerakli asboblar: 1. Shtativ probirkalari bilan. 
Reaktivlar: 1. Salitsil kislota, to’yingan eritma.
2. Temir (III) -xlorid, 3% li eritma.

Probirkaga salitsil kislotaning suvdagi to’yingan eritmasidan 1 ml quyib ustiga 3%
li temir (III) -xlorid eritmasidan tomchilatib 2-3ml qo’shsak binafsha rang hosil bo’ladi. 
Bu salitsil kislotada fenol gidroksili borligini ko’rsatadi. Shu tajribani benzoy kislotasi 
bilan ham takrorlaymiz. Bunda temir (III)- xlorid bilan bu reaksiya bormaydi. 
Vino kislotasidan segnet tuzini hosil qilish. 
Kerakli asboblar: 1. Shtativ probirkalari bilan.
Reaktivlar : 1. Vino kislotasi, 5% li eritmasi.
2. Natriy gidroksid, 10% li eritma. 
3. Kaliy gidroksid, 10% li eritma. 

Probirkaga 1ml vino kislotasining 5% li eritmasidan solib 1 tomchi fenolftalein 
qo’shamiz va tomchilatib kaliy gidroksidi eritmasidan quyamiz. Bunda vino kislotali 
muhitda bo’lgani holda cho’kma tushadi. Bu vino kislotasining kaliyli nordon tuzidir. 
Cho’kma hosil bo’lgach kaliy gidroksid qo’shishni to’htatib, o’rniga natriy gidroksid 
eritmasidan tomchilatib qo’shamiz. Bunda cho’kma eriy boshlaydi va kuchsiz ishqoriy 
muhitda to’la erib bo’ladi. Bunda vino kislotasining kaliyli –natriyli normal tuzi hosil 
bo’ladi.
Segnet tuzining mis(II)- gidroksid bilan ta’siri. 
(Feling reaktivini olish) 
Kerakli asboblar: 1. Shtativ probirkalari bilan.

---

20 
Reaktivlar: 1. Segnet tuzi. 3-5% li eritmasi.
2. Mis (II) - sulfat, 5% li eritma.
3. Natriy gidroksid, 10 % li eritma. 

Probirkaga segnet tuzi eritmasidan 1ml solib ustiga ishqoriy muhit hosil 
bo’lguncha ishqor eritmasidan qo’shamiz (Feling -1), ustiga mis sulfat tuzining 5 -6 % 
li eritmasidan (Feling -2) tomchilatib qo’shamiz. Bunda hosil bo’lgan laxcha zangori 
cho’kma erib to’q ko’k rangga bo’yaladi.
Sut kislotasi oksidlanganda pirouzum kislotaga 
aylanishi 
Kerakli asboblar: 1. Shtativ probirkalari bilan.
2.Reaksion probirka. 
Reaktivlar: 1. Sut kislota.
2. Sirka kislota
3. Fenil gidrazin.
4. Kaliy permanganat, 5% li eritmasi.
5. Natriy karbonat, 10 % li eritmasi

Reaksion probirkaga 0,1 g sut kislotasidan solib ustiga neytral muhitga o’tguncha 
natriy karbonatning 10% li eritmasidan tomizamiz va kaliy permanganatning 5% li 
eritmasidan 0,5 ml qo’shib qaynaguncha qizdiramiz. Aralashmani sovutib filtrlaymiz. 
Marganes (IV) - oksididan tozalangan filtratga 2-5 tomchi sirka kislotasi qo’shib 
kislotali muhit hosil qilamiz. Keyin fenil gidrazinning sirka kislotadagi eritmasidan bir 
necha tomchi qo’shib yaxshilab aralashtiramiz. Bir necha daqiqadan so’ng pirouzum 
kislotasining fenil gidrazoni kristallari cho’kadi.