Табиий шифо воситалари 3-китоб тошкент

1
витаминлари ҳамда апинин деган гликозид бор. 
Сельдернинг табобатда ишлатилиши: 
Халқ табобатида сельдер зотилжам, бронхиал астма, гепатит, қорин 
дамланиши, ҳиқочоқ тутиши ва бел оғриғига даво қилиш учун, шунингдек, 
сийдик, ўт ва ел ҳайдайдиган, қусишни тўхтатадиган, марказий асаб тизими 
ишини жонлантирадиган восита тариқасида қадимдан ишлатилиб келинган. 
Табиблар уни эшакеми, жигар касалликлари, ревматизм, подагра, нефрит, 

---

Аюпов Равшан Хамдамович 129 
буйрак-тош касаллиги, қандли диабет ва йирингли яраларга даво қилиш учун 
ишлатишган. Замонавий табобатда сельдер таркибидаги эфир мойининг 
яллиғланишга қарши таъсир кўрсатиб, меъдадан шира ажралишини 
кучайтириши, илдизларида бўлган шилимшиқ моддаларнинг ўраб олувчи 
таъсири борлиги аниқланган. Шунинг учун сельдер гастрит ва меъда ҳамда 
ўн икки бармоқли ичакнинг яра касаллигида бир қадар наф беради. Бу 
ўсимликда фенилаланин камлиги ва витаминлар билан минерал тузлар 
кўплиги уни фенилкетонурия билан оғриган болалар овқатига ишлатиш 
имконини беради. Ўсимликнинг сийдик ҳайдовчи таъсири унинг таркибида 
апинин деган гликозид борлиги туфайлидир. Янги сельдер ўтининг сувини 
олиб, ундан сукапигравел деб номланган препарат тайёрланади. Бу препарат 
табобатда сийдик ҳайдайдиган восита тариқасида ишлатилади.
Сельдердан дориворлар тайёрлаш усуллари: 

Майда тўғралган сельдер илдизларидан 34 грамм миқдорида олиб, 
устига 1 литр қайноқ сув қуйилади ва 8 соат дамлаб қўйилади. Кейин 
сузиб олиниб, 1 чой қошиқдан кунига 3 маҳал ичилади. 

Майда қилиб тўғралган янги сельдер илдизларидан 1 ош қошиқ олиб, 
устига 1,5 стакан совуқ сув қуйилади ва оғзи ёпиқ идишда 4 соат 
дамлаб қўйилади. Кейин сузиб олиб, 1 ош қошиқдан кунига 3-4 маҳал 
ичилади.

1 ош қошиқ сельдер уруғи устига 2 стакан қайнатиб совутилган сув 
қуйилиб, 2 соат дамлаб қўйилади. Сўнгра сузиб олиниб, сийдик 
ҳайдайдиган восита сифатида 1 ош қошиқдан кунига 3 маҳал ичилади. 

Селдер илдизлари ва баргларидан 2 ош қошиғи устига 1 стакан қайноқ 
сув қуйилади ва 4 соат дамланиб, сузиб олинади. Кейин касал 
жойларни чайиш, уларга ванна қилиш ва компресс қўйиш учун сиртга 
ишлатилади. 

Сельдер илдизларидан қириб олинган янги сувини қандли диабетда 
овқатдан 30 дақиқа илгари 1-2 чой қошиқдан ичилади.