Tabiatda muntazam fasllar almashinishi bilan go‘zal mo‘jizalar ro‘y beraveradi. Bahorning mayin shabadasi va ko‘klami qalbimizga quvonch tuhfa etsa, issiq yozning orombahsh ta’tilida yayraymiz

Tabiatda muntazam fasllar almashinishi bilan go‘zal mo‘jizalar ro‘y beraveradi. Bahorning mayin shabadasi va ko‘klami qalbimizga quvonch tuhfa etsa, issiq yozning orombahsh ta’tilida yayraymiz. Sahovatli kuzning bir-biridan shirin mevalari yana dasturxonimizni bezaydi. Kumush qish esa ajoyib bayramlar bilan keladi. Ana shunday mehribon tabiatni asrab-avaylash esa har birimizning burchimizdir.
16-sentyabr - “Xalqaro ozon qatlamini himoya qilish kuni” munosabati bilan viloyatimizdagi ekologiya va atrof-muhitni muhofaza qilish boshqarmasi hamda ekologik harakat hududiy bo‘linmasi bilan hamkorlikda rasmlar tanlovi o‘tkazildi. Unda barchamiz faol ishtirok etdik. Tanlovda o‘z mahoratini ko‘rsata olgan O‘lmasbek Nasriddinov, Muhammad­yusuf To‘xtasi­nov, Bahodir Yo‘ldoshev kabi tengdosh do‘stlarimiz 1-, 2-, 3-o‘rinlarni egalladilar. Tanlov so‘nggida barcha ishtirokchilarga tashkilotchi­larning esdalik sovg‘alari taqdim etildi.