Tabiat bilan tanishtirish va ekologik tarbiya fanidan O`qitish materiallari tayyyorlov yo`nalishi

3 Savol.Atrof muhitni anglashning asosi sifatida ob’yektlar va tabiiy hodisalar haqida ma’lumot tizimini shakllantirish.

O’zbekistonning tabiati - bola uchun kerakli bo’lgan bilim va taassurotlarga ega bo’lishga yordam beruvchi manba hisoblanadi. Atrof muhitda mavjud bo’lgan jonsiz va ayniqsa tirik tabiat ob’ektlariga bo’lgan qiziqish bolalarda erta paydo bo’ladi. Bolalar hamma narsani ko’rib boradilar. Oromgohlarda, yo’l ustidagi mehnatsevar chumoli, qalin o’t ustidagi kichkinagina o’rgimchak. Bundan tashqari tabiatdagi mavsumiy o’zgarishlar, ranglar jilosi, turli-tuman hid, ovozlar bolalar diqqatini o’ziga jalb qiladi. Ular o’zlari uchun yangi olamni kashf etadilar: Hamma narsani o’z qo’llari bilan ushlab ko’rishga, yaqindan tanishishga xarakat qiladilar.
Bolalardagi atrof-muhitga bo’lgan qiziqishini qo’llab-quvvatlash bilan bir vaqtda, ularni tabiatni asrab-avaylash ruhida tarbiyalash kerakligini esdan chiqarmasliklari kerak.




MTTda kichik guruh bolalari tabiat ob’ektlari to’g’risidagi umumiy tasavvurlarni o’zlashtirish qobiliyatiga ega bo’ladilar. Ular jonivorlarni, o’simliklarning faqatgina alohida olingan, yaqqol ko’zga tashlanadigan xususiyatlarini ko’radilar. Shuning uchun bolalarni ko’proq yaqin atrofda joylashgan, tez-tez uchrab turadigan tabiat ob’ektlari bilan yaqindan tanishtirib borish, ularni kuzatish vaqtida esa iloji boricha ko’proq belgilarini ko’rsatib borish kerak.