T. X. Boltayev, Q. Raxmonov, O. M. Akbarov geoaxborot tizimining ilmiy asoslari o’quv qo'llanma Toshkent 2019

Ma’lumotlar  bazasi  quyidagi asosiy  funksiyalarni amalga oshirishga 
imkon beradi: 

 
yer  uchastkalari, ko‘chmas  mulklar, mulkdorlar, yerdan  foydalanuvchilar, 
ijarachilar to‘g‘risidagi axborotlarni kiritish; 

 
yuqorida sanab o‘tilgan obyektlar belgilarini o‘zgartirish; 

 
obyektlarni qo‘shish; 

 
kartalar bilan ishlash (geoaxborot tizimi dasturi yordamida); 

 
reyestrlar (hisobot) yaratish; 

 
ma’lumotlarni qidirish va ko‘rish. 
6.3.
 
Ma’lumotlar bankining umumiy tuzilishi
 
“Yeravtobank”  dasturiy  majmuasi  dasturiy  interfeys  orqali  ma’lumotlar 
almashish vositasi bilan o‘zaro harakatdagi bir necha mustaqil qismlardan iborat. 
Unga  yerdan  foydalanish  obyektlari va  axborotlarning grafik modullari  (ArcGIS 
yoki  MapInfo)  to‘g‘risidagi  jadvalli  axborotlarni  saqlash  va  boshqarishni 
ta’minlaydigan  Microsoft  Access  –  2010  da  yaratilgan  ma’lumotlar  bazasining 
aynan o‘zi kiradi.   
Ma’lumotlar  bazasi  tarkibiga  yerdan  foydalanuvchilar  obyektlari 
to‘g‘risidagi  ma’lumotlar,  yer  uchastkalari  to‘g‘risidagi  jadvallar  kiradi  va 
saqlanadi.  Bulardan  tashqari,  ma’lumotlar  bazasida  ko‘chmas  mulk  obyektlari 
to‘g‘risidagi  me’yoriy  ma’lumotlardan  iborat  klassifikator  va  jadvallar 
ko‘rinishidagi yordamchi me’yoriy-ma’lumotnomali axborotlar ham o‘rin olgan. 

---