T. X. Boltayev, Q. Raxmonov, O. M. Akbarov geoaxborot tizimining ilmiy asoslari o’quv qo'llanma Toshkent 2019

Vektor  overley  operatsiyasi
.  Vektor  ma’lumotining  overley  operatsiyasi 
birmuncha  murakkab  tuzilgan,  chunki  bunda  nuqtalar,  chiziqlar  va  maydonlar 
orasidagi  fazoviy  bogʻliqliklarning  topologik  jadvallari  yangilab  turilishi  kerak. 
Overley  jarayonida  atribut  ma’lumot  kartada  bogʻlangan  obyektga  biriktirilishi 
lozim,  ya’ni  kartadagi  ma’lum  bir  poligon  yoki  fermer  xoʻjaligi  maydoni  egasi 
yer  toʻgʻrisidagi  ma’lumotlarga  ega  va  bu  ma’lumotlarni  atribut  ma’lumotlar 
deydigan  boʻlsak,  ular  jadvallarda  yozilgan  boʻladi.  Overley  operatsiyasida  shu 
bogʻliqlikni saqlab qolish kerak boʻladi. Overley operatsiyasining qaysi jarayonda 
ketishi  bu  foydalanuvchining  maqsadiga  qarab  modellanishiga  bogʻliq.  Umumiy 
qilib  aytganda,  GAT  dasturi  turli  xil  vektor  ma’lumotlarning  overley  ishini 
fazoviy qatlamlarning atribut ma’lumotlar fayllarini bogʻlash orqali yangi qatlam 
hosil  qiladi.  Turli  GAT  dasturlari  overley  operatsiyasining  ishini  turli  xil 
usullarda  bajaradi,  ya’ni  bu  yerda  barcha  dasturlar  uchun  yagona  boʻlgan  usul 
yoʻq, lekin oxirgi maqsadi yoki natijasi bir xil boʻlishi mumkin.  

---