T. X. Boltayev, Q. Raxmonov, O. M. Akbarov geoaxborot tizimining ilmiy asoslari o’quv qo'llanma Toshkent 2019

Geoaxborot tizimining ilmiy asoslari
 
 
 
186 
 
tumanlari  yer  resurslari  va  davlat  kadastri  xizmati  faoliyatida  joriy  etish 
maqsadida ishlab chiqildi.  
6.6.
 
Yer-axborot bazasi uchun kadastr raqamlarini shakllantirish
 
Davlat  yer  hisobi  ma’lumotlari  asosida  yer  uchastkalariga  kadastr 
raqamlari  beriladi.  Raqamli  kadastr  kartasini  tuzish  yer-axborot  ma’lumotlarini 
yagona  tizimga  solishda  katta  ahamiyatga  ega.  Bunda  har  bir  yer  uchastkasi 
alohida kadastr raqamiga ega bo‘ladi.  
Kadastr  raqami  yer  uchastkasi,  bino  va  inshootga  tegishli  O‘zbekiston 
Respublikasi  hududida  takrorlanmaydigan  raqamdir,  u  qonun  hujjatlari  bilan 
belgilangan  tartibda  uni  takomillashtirishda  beriladi  va  ro‘yxatdan  o‘tkazilgan 
huquqning  mavjud  bo‘lguniga  qadar  saqlanib  qoladi.  Yer  uchastkasiga  kadastr 
raqamining berilishi undan foydalanish huquqi davlat ro‘yxatidan o‘tkazilganidan 
so‘ng amalga oshiriladi.  
Yer  uchastkalariga  kadastr  raqamlarining  berilishi  ularni  ro‘yxatga 
oluvchi  organlarning  yer  uchastkalariga,  imorat  va  inshootlarga  yagona  kodlash 
tizimi  asosida  O‘zbekiston  Respublikasi  Vazirlar  Mahkamasining  1998-yil  22-
yanvardagi  «Jismoniy  shaxslarga  egalik  huquqi  tegishi  uchun  imorat  va 
inshootlarni  inventar  baholash  ishlari  olib  borilishi  haqida»gi  35-sonli  qaroriga 
binoan amalga oshiriladi. Yer uchastkasi yagona obyekt hisobida bo‘lgan davrda 
kadastr  raqami  o‘zgarmaydi  va  saqlanib  qoladi.  Yer  uchastkalarining 
chegaralarini tasvirlash va holatini hisobga olish uchun 1:2000 dan 1:25000 gacha 
bo‘lgan  davlat  standartlarida  qabul  qilingan  masshtablarda  kadastr  kartalari 
yuritiladi.  Kadastr  kartalarida  yer  uchastkalarining  kadastr  raqamlari  ham 
huquqiy rasmiylashtiriladi.  
Kadastr  zonalari,  massivlari  va  mavzelarini  kadastr  bo‘yicha  bo‘lish  va 
shakllantirish  vaqtida  ularning  chegaralari,  odatda  shaharlar,  shahar  tumanlari, 
qishloqlar,  ovullarning  ma’muriy  chegaralariga  to‘g‘ri  keladi.  Ma’muriy 
chegaralar  o‘zgarganda    kadastr  bo‘yicha  bo‘linish  sxemasiga  tegishli 
o‘zgartirishlar  kiritiladi.  Yer  uchastkasining  kadastr  raqamini  shakllantirish  yer 
uchastkasi  ko‘chmas  mulk  obyekti  sifatida  shakllantirilgan  va  uning  chegaralari 

---