Ишнинг мақсади: Кимёвий моддалар ва реактивларнинг тозалик даражасини ва тозалаш усуллари ўрганиш.
Керакли асбоб ва реактивлар:Воронка, филтр қоғозлари, музлатгич, Бюхнер колбаси, газ горелкаси, мўрили шкаф, эксикатор, термостат колбалар, кимёвий стаканлар, NH4Cl, NH4NO3,NaNO3, (NH4)2SO4, NaCl эритмалари.
Адабиётлар:
1. И.Н.Ниёзалиев ва бошқалар. «Агрокимёдан амалий машғулотлар». Тошкент, 1989
2. Б.А.Ягодин и др. «Практикум по агрохимии». Москва. Агропромиздат, 1987
3. А.С.Радов, И.В.Пустовой. «Практикум по агрохимии». Москва, 1971
4. П.И.Воскресенский«Техника лабораторных работ». Москва, Химия, 1967
5. Г.Г.Русин. «Физико-химические методы анализа в агрохимии». Москва. Агропромиздат, 1990
6. Н.Г.Зарын, Д.С.Орлов. «Физико-химические методы исследования почв». Москва.МГУ,1964
7. «Методы агрохимических анализов почв средней Азии». Тошкент, 1973
8. К.Розиқов, Э.Ўринов, М.Қодирхонов «Моддалар таҳлили ва тадқикотнинг физик-кимёвий усуллари» Тошкент, Ўзбекистон миллий энциклопедияси, 2003
Қайта кристаллизация қилиш. Кўпинча баъзи бир эритмалар тайёрлашда ҳар хил тузларни ва бошқа кимёвий моддаларни тозалаш керак бўлади. Бунинг учун бу моддаларни қайта кристаллизация қилиш керак.
Қайта кристаллизация қилиш учун тозаланадиган моддадан тўйинган эритма тайёрланади. Тўйинган эритма юқори ҳароратда қиздириш йўли билан ҳосил қилинади. Кейин филтрланади ва эритмаси бор кристаллизаторни совуқ сув ёки муз билан тўлдирилган эмалланган ҳаммомга ёки катта чинни косачага жойлаштирилади. Шундан кейин эритма совуйди ва кристалланади. Айрим ҳолларда паст ҳарорат ҳосил қилиш учун қор ва ош тузи ёки калций хлориддан совитувчи аралашма тайёрланадиии. Совутиш вақтида тўйинган эритмадан эриган моддаларнинг кристаллари чўкмага тушади. Совутиш қанча тез борса ҳосил бўладиган кристаллар шунча кичик бўлади. Энг яхшиси тозалашда ўртача катталикдаги кристалларни олишдир, чунки бирламчи эритмани филтрлашда улар кам ушланиб қолади. Совутилган эритма ҳосил бўлган кристаллар билан биргаликда чинни Бюхнер воронкаси ёрдамида таркибида минераллар йўқ бўлган филтр орқали филтрланади. Филтрлаш ваккум ҳосил қилиш билан олиб борилади. Бунинг учун воронка қўйилган колбага сув оқими насос уланади. Филтрлаш тугагандан кейин бирламчи эритмани йўқотиш учун чўкма эритувчининг кичик порциялари ёрдамида ювиб ташланади ва филтр қоғозининг икки бўлаги ўртасида қуритилади. Кейин бу олинган кристалларга зарар қилмаса калций хлорид билан тўлдирилган эксикаторда ёки термостатда маълум бир температурада қуритилади.
Do'stlaringiz bilan baham: |