Т а с д и қ л а й м а н» Термиз шаҳар ииофмб бошлиғининг тарбиявий ишлар бўйича ўринбосари подполковник Ж. Р. Шаймарданов «09» декабрь 2019 йил режа-конспект

жамоатчилик ишончи – ички ишлар ва миллий гвардия ходимлари инсон ҳуқуқ ва эркинликлари ҳимоя қилиши, ҳурмат қилиши, сайловга оид қонун ҳужжатларига риоя қилиши, ҳар қандай кўринишдаги қонунбузилишларни бартараф этиш ва олдини олиш учун зудлик билан чоралар кўриши, шунингдек профессионаллик, ҳалоллик принципларига риоя қилиши шарт.

ИЧКИ ИШЛАР ВА МИЛЛИЙ ГВАРДИЯ ҲОДИМЛАРИ:

• 
  сайлов ўтказиладиган бинолар ва жойларни қўриқлаши;
  
• 
  уларга туташ ҳудудларда жамоат тартибини сақлаши;
  
• 
  сайлов натижаларига доир ҳужжатларни ташиш чоғида округ
  ва участка сайлов комиссиялари аъзоларини кузатиб бориш билан боғлиқ чораларни кўриб бориши;
  
• 
  фуқаролар билан мулоқотда хушмуомала, камтар ва босиқ бўлиши, уларнинг мавқеидан қатъи назар ҳеч бир шахс, гуруҳ ёки ташкилотларнинг камситилиши ёки афзал кўрилиши ҳолатларига йўл қўймаслиги;
  
• 
  фуқароларнинг ҳуқуқлари, эркинликлари ва қонуний манфаатларини, юридик ва жисмоний шахсларнинг мулкини, шахс, жамият ва давлат хавфсизлигини ҳимоя қилиш бўйича ўз ваколатлари доирасида барча зарур чораларни кўриши;
  
• 
  ходимнинг ўз хизмат бурчини виждонан бажаришига нисбатан фуқарода шубҳа уйғотувчи хатти-ҳаракатдан тийилиши, шунингдек давлат органлари обрўсига салбий таъсир кўрсатувчи низоли вазиятларни юзага келтирмаслиги шарт.
  

Участка сайлов комиссияси раиси (ёки раис ўринбосари) овоз бериш биносидаги тартибга риоя қилинишини назорат қилади. Участка сайлов комиссиясининг ўз ваколатлари доирасида берган кўрсатмалари овоз бериш биносида ҳозир бўлган шахслар, шу жумладан ички ишлар ва миллий гвардия ходимлари учун МАЖБУРИЙДИР.
Ички ишлар ва миллий гвардия ходимлари сайлов жараёнининг хавфсиз ўтказилиши учун жавобгар ҳисобланадилар. Қоида тариқасида ички ишлар ва миллий гвардия ходимлари сайлов участкаси ҳудудидан ташқарида жойлашишади.
Овоз бериш куни ички ишлар ва миллий гвардия ходимларининг сайлов участкаси биносидаги жойлашиш жойи ички ишлар ва миллий гвардия ҳудудий бўлими ваколатли мансабдор шахси билан келишилган ҳолда ва бинонинг шароитларидан келиб чиқиб участка сайлов комиссияси раисининг кўрсатмаси асосида белгиланади.
Участка сайлов комиссияси раиси:
қоида тариқасида сайлов куни овоз бериш биносида тинчлик сақланиши ва тартибга риоя қилинишига масъул ҳисобланади;
овоз бериш биносида тинчлик сақланиши ва тартибга риоя қилинишини таъминлаш, овоз бериш ва уларни санаб чиқишда ғайриқонуний тўсқинликлар вужудга келганида ички ишлар ёки миллий гвардия ходимларига мурожаат қилиши мумкин. Бунда, ички ишлар ва миллий гвардия ходимлари воқеа жойига етиб келишади.

ЁДДА ТУТИНГ!
Ички ишлар ва миллий гвардия ходимлари томонидан сайлов участкаси ҳудудидаги тартибсизлик, ғайриқонуний хатти-ҳаракатлар бартараф этилганидан сўнг участка сайлов комиссияси раиси кўрсатмаси асосида сайлов участкаси биносини тарк этишлари ёхуд комиссия раисининг рухсати билан сайлов жараёнига ҳалақит бермайдиган жойга жойлашишлари шарт.