Светофорлар қуйидагиларга бўлинади ва таснифланади: кириш – поездга перегондан стансияга киришга рухсат беради ёки тақиқлайди; чиқиш

битта сариқ чироқ - «Поездга стансияга асосий йўлидан тўхташга тайёр ҳолда кириб боришга рухсат этилади; кейинги светофор (маршрут ёки чиқиш) ёпиқ» (расм 2.2, а);
иккита сариқ чироқ улардан юқоридагиси ўчиб-ёнадиган - «Поездга стансияга ён йўлдан чекланган тезликда кириб бориш мумкин; кейинги светофор (маршрут ёки чиқиш) очиқ» (расм 2.2, б);
иккита сариқ чироқ - «Поездга стансиянинг ён йўлига пасайтирилган тезликда тўхташга тайёр бўлган ҳолда кетиб боришга рухсат берилади; кейинги светофор ёпиқ» (расм 2.2, в);
битта қизил чироқ - «Тўхта! Сигналдан ўтиш тақиқланади» (расм 2.2, г);

а)	б)	в)	г)
Расм 2.2

Кириш светофорларидан поездни стансияга икки йўлли (кўп йўлли) перегоннинг нотўғри йўлидан қабул қилиш учун қуйидаги сигналлар узатилади:
иккита сариқ чироқ - «Поездга пасайтирилган тезлик билан кейинги чиқиш (маршрут) светофори ёки чегаравий устунча тўғрисида тўхташга тайёр ҳолда стансияга киришга рухсат этилади»;
битта қизил чироқ - «Тўхта! Сигналдан ўтиш тақиқланади».
8. Поездларни крестовинасининг оғиши катта стрелкали ўтказгич бўйлаб ён йўлга қабул қилиш учун кириш ва маршрут светофорларида қуйидаги сигналлар қўлланилади:
битта яшил ўчиб ёнувчи ва битта сариқ чироқлар ва битта яшил ёнувчи тасма – «Поездга 80 км/соат дан ошмаган тезликда стансиянинг ён йўлига кетиб бориши мумкин; кейинги светофор (маршрут ёки чиқиш) очиқ ва уни 80 км/соат дан ошмаган тезликда ўтиш талаб этилади» (расм 2.3, а);
иккита сариқ чироқ, улардан юқоридагиси ўчиб ёнувчи ва битта яшил ёнувчи тасма - «Поездга 80 км/соат дан ошмаган тезликда стансияга ён йўлдан кетиб боришга рухсат этилади; кейинги светофор (маршрут ёки чиқиш) очиқ ва уни пасайтирилган тезликда ўтиш талаб этилади» (расм 2.3, б);
иккита сариқ чироқ ва битта яшил ёнувчи тасма – «Поездга 60 км/соат дан ошмаган тезликда стансияга ён йўлдан тўхташга тайёр ҳолда кетиб боришга рухсат этилади: кейинги светофор ёпиқ» ( расм 2.3, в).

а)	б)	в)
Расм 2.3

Зарур бўлган ҳолларда кириш ва маршрут светофорларида битта яшил ўчиб–ёнувчи чироқ сигнали қўлланилиши мумкин - «Поездга белгиланган тезликда стансиянинг асосий (бош) йўлидан кетиб боришга рухсат этилади, кейинги светофор (маршрут ёки чиқиш) очиқ ва уни 60 км/соат дан ошмаган тезликда ўтиш талаб этилади» (расм 2.4, а).
Айрим стансияларда Ўзбекистон Республикаси темир йўлларидан техник фойдаланиш қоидаларида белгиланган тартибда чиқиш ва маршрут светофорларида учта сариқ чироқли сигнал қўлланиши мумкин - «Мотор вагон поезди, якка локомотив, мотовоз ва дрезиналарга 20 км/соат дан ошмаган тезликда йўлнинг бўш участкасига ўта эҳтиёткорлик билан маршрут светофорининг қизил чироғигача ўтишга рухсат этилади» (расм 2.4, б).

а)	б)
Расм 2.4