Сувдан фойдаланувчилар уюшмаси билан унинг худудидаги сувдан фойдаланувчилар тўғрисидаги сувдан ва ички сув хўжалиги объектлар

IV. Тарафларнинг мулкий жавобгарлиги
4.1“ИТҲБ” нинг айби билан ажратилган лимит миқдоридаги сув “Истеъмолчи”га етказиб берилмаганлиги натижасида “Истеъмолчи” зарар кўрса, “ИТҲБ” га нисбатан қонунда белгиланган тартибда компенсация ундирилади.
4.2. “ИТҲБ” ҳисобидаги суғориш ва мелиоратив тармоқларига “Истеъмолчи” томонидан шикаст ёки зарар етказилганда, уларни қайта тиклаш ва таъмирлаш ишлари “Истеъмолчи” томонидан амалга оширилади ёки низолар келиб чиққан тақдирда етказилган зарар тегишли равишда иқтисодий суд қарори асосида “ИТҲБ” га тўлаб берилади.
4.3. “Истеъмолчи” томонидан тўловлар белгиланган муддатларда амалга оширилмаганда ва тўлов белгиланган муддатдан кечиктирилган тақдирда, “ИТҲБ” берилаётган сувни тўхтатиб қўйиши ҳамда тўловлар амалга оширилгандан сўнг сувни қайтадан очиб беришга хақлидир.
4.4. “Истеъмолчи” томонидан рўйхатдан ўтказилмаган сув олиш нуқтасидан лимитсиз, ўзбошимчалик билан ёки белгиланган лимитдан ортиқча сув олинганда, сувдан мақсадсиз фойдаланса, суғорилаётган майдонларини назоратсиз қолдирса Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси
ва унинг жойлардаги бўлимлари томонидан белгиланган тартибда жавобгарликка тортилади.
4.5. Ўзбошимчалик билан сув олиш жойини тугатиш ва уни дастлабки ҳолатига келтириш қонунбузувчининг ўзи томонидан ёки унинг маблағи ҳисобига амалга оширилади.
4.6. “Истеъмолчи” томонидан қишлоқ хўжалиги маҳсулотларини етиштириш бўйича тегишли шартномалар бажарилмаганлиги ёки зарур даражада бажарилмаганлиги учун уларни жавобгарликка тортишда, шунингдек хатти-ҳаракатлари (ҳаракатсизлиги) натижасида шартнома мажбуриятлари “Истеъмолчи” томонидан бажарилмаслиги (зарур даражада бажарилмаслиги) учун “ИТҲБ” нинг жавобгарлиги ҳам кўриб чиқилади.
“ИТҲБ” нинг айби билан “Истеъмолчи” томонидан қишлоқ хўжалиги маҳсулотларини етиштириш бўйича тегишли шартномалар бажарилмаслиги (зарур даражада бажарилмаслиги) натижасида етказилган зарар “ИТҲБ” томонидан белгиланган тартибда қопланади.
4.7. Ушбу шартномада назарда тутилмаган жавобгарлик чоралари ва бошқа масалалар Ўзбекистон Республикасининг амалдаги қонун ҳужжатлари билан тартибга солинади.
V. Форс-мажор
5.1. Зилзила, қурғоқчилик, сув танқислиги, сув тошқини, ёнғин ва бошқа табиий офатлар натижасида енгиб бўлмайдиган куч ҳолатлари (форс-мажор) муносабати билан уларнинг иродаси ва хоҳишига боғлиқ бўлмаган сабаблар бўйича ўз зиммаларига олган шартнома мажбуриятлари бажарилмаганлиги учун бир тараф бошқа тараф олдида жавоб бермайди.
5.2. Енгиб бўлмайдиган куч ҳолатлари (форс-мажор) юз берганда, тарафлар туман (шаҳар)лар ҳокимликлари ҳузурида ташкил этиладиган енгиб бўлмайдиган куч ҳолатлари
(форс-мажор)ни тасдиқлаш бўйича комиссияга мурожаат қиладилар.
Комиссия мазкур масалани кўриб чиқишда ваколатли давлат органларининг маълумотлари ва ахбороти асосида енгиб бўлмайдиган куч ҳолатлари (форс-мажор) оқибатида шартномалар бўйича мажбуриятлар бажарилмаганлиги учун “Истеъмолчи” ёки “ИТҲБ” ни жавобгарликдан озод қилиш юзасидан хулоса бериши мумкин.
Форс-мажор ҳолатларини аниқлашда шартнома тарафлари қатнашиши керак.