Suvda ha quruqda yashovchilar yoki amfibiyalar sinfi – amphibia. Ko’l baqasining skeleti va teri tuzilishi

Yelka suyagi uzunchoq naysimon. Har ikkala uchi yo’g’onlashgan bo’lib, bu uchlar epifiz,
ularning oralig’i esa diafiz deb ataladi. Yelka suyagi o’zining proksimal uchidagi boshi orqali yelka kamarining biriktiruvchi chuqurchasiga kirib joylashadi. Uning distal uchida tirsak suyagi
birikadigan chuqurcha bor. Bilak ikkita bir-biriga qo’shilib ketgan elementlardan tuzilib, ular orasidagi chegaraning izi aniq ko’rinadi. Bu bo’limning ichki tomonidagi suyak bilak va tashqi tomonidagisi esa tirsak suyaklari deb ataladi. Bilak suyaklarining proksimal uchida yelka suyagining distal uchi kirib birikadigan qo’shilish chuqurchasi bor. Bu chuqurchaning orqa tomonida tirsak suyagiga tegishli tirsak o’simtasi bor.
Endi biz oyoq kaftlarining tuzilishi bilan tanishib chiqamiz. Yosh baqalarda oldin
bilaguzukning distal qismida normal holda beshta mustaqil element paydo bo’lib, keyinchalik
voyaga yetgan baqalarda carpalia distalia I-II mustaqil qolib, carpalia distalia III, IV, V suyaklari
bir-biriga qo’shilib ketadi. Bilaguzuk bo’limiga distal holda beshta uzunchoq oyoq kafti suyaklari joylashgan, bulardan katta barmoq reduksiyalangan. Qolgan to’rtta barmoqlari yaxshi rivojlangan.
Keyingi oyoq skeletlarining qismlari oldingi oyoqlarnikiga o’xshash.
Son bo’limida bitta son suyagi bo’lib, u bir oz qiyshaygan bo’ladi. Uning proksimal