Сув ресурсларидан оқилона фойдаланиш йўналишида

Бетон ишларини ташкил қилиш конструктив ечимлари. Иншоотни секциялар, пағоналар, блокларга ажратиш ва бетон ишлари жадаллигини текшириш
Ирригация тизимлари гидротехник ва бошқа иншоотларни лойиҳалашда уларни секцияларга ажратувчи температура ва чўкиш чоклари кўзда тутилади. Температура чоклари ҳар бир секциянинг ҳаво ва сув ҳароратининг ўзгаришидан алоҳида кенгайишига ёки қисқаришига имконият беради. Чўкиш чоклари секцияларнинг бошқа секциялар ва конструкцияларда кескин кучланишлар ҳосил қилмасдан, замин грунтлари чўкишига монанд вертикаль йўналишда нисбий силжиши шароит яратади.
Температура чокларини, ташқи юкламалар характери ва оғирликлари бўйича бир хил бўлган иншоотларда узунлиги ( ) нинг ҳар 20-30 метридан ҳосил қилиш кўзда тутилади. Чўкиш чоклари иншоотнинг оғирлиги ва ташқи кучланишлари ҳар хил бўлган участкаларининг чегараларида (3.1, в-расм) ҳамда замин грунти сифати, иншоот ўзгарадиган кесимларида ҳосил қилинади (3.1,г-расм). Агарда иншоот секцияларга ажратилмаса, эксплуатация даврида ташқи муҳит температурасининг турли мавсумларда ўзгаришидан унинг танасида қўшимча кучланишлар ҳосил бўлиши ва замин грунтининг иншоот элементлари остида ҳар хил чўкиши аврияга, бузилишга олиб келиши мумкин. Бетон ишларини ташкил қилишда алоҳида эътиборга сазовор бўлган масалалардан бири, ташқи об-ҳавонинг бевосита таъсиридир. Қуруқ ва иссиқ иқлим шароитида (шу жумладан қишда ҳам) бетон ишларини узлуксиз давом эттириш имконияти мавжуд эмас, сабаби бетон қоришмасининг қотиш жараёни ҳаво температурасига бевосита боғлиқ (бетон қоришмаси қотиши учун нормал шароит деб + ва 90% лик намлик олинган).
Иссиқ ва қуруқ иқлимда одатда мазкур қурилиш объекти жойлашган жойга (худуд, туман, вилоятга) хос бўлган ҳавонинг юқори ҳарорати (максимал 30⁰ С дан ортиқ ва кундузги соат 13⁰⁰ да ўртача 25⁰ С дан ортиқ) ва ҳавонинг нисбий намлиги пастлиги (50 % дан кам) билан фарқланувчи метеорология шароитининг жамламаси назарда тутилади. Иқлимий таснифга кўра «қуруқ иссиқ иқлим» тушунчаси билан бир қаторда «иссиқ ва қуруқ об-ҳаво» деган термин ҳам бор. Бироқ бу термин ҳам ҳарорат намлик шароитлари билан характерланса ҳам вақтнинг маълум қисми (ёз, пешин вақти ва ҳ.о.) учунгина ҳисобга олинади.