Suv havzalarining ifloslanish sabablari va asosiy sanoat sohalari. Reja

Birinchidan, tekislik maydonlarda quriladigan suv omborlari yuzlab, minglab gektar unumdor yerlarni egallaydi.
Ikkinchidan, suv omborlari o‘zlarining atrofidagi hududlardagi yer osti suvlari sathining ko‘tarilishiga, shu asnoda ekinzorlarning meliorativ holati yomonlashib, ikkilamchi sho‘rlanish jarayonini keltirib chiqarishga sabab bo‘ladi.
Uchinchidan. suv ombori yaqinidagi hududlarda joylashgan aholi punktlari va muxandislik kommunikatsiyalari suv toshqini xavfidan holi bo‘lmaydi. Toshkent viloyati Gazalkent shahrining yuqorisida kurilgan Chorvok suv ombori Chirchiq daryosi vohasida joylashgan G‘azalkent, Chirchiq va Toshkent shaharlari uchun suv bosish xavfini tug‘diradi. Tog‘li hududlarda qurilgan suv omborlarining xavfi ancha kuchli bo‘ladi. Ular yer silkinishi va ko‘chkilarni keltirib chiqarishi mumkin. Bundan tashqari yer ostidagi tektonik xarakatlar natijasida bunday joylarda to‘g‘onlarning buzilish xavfi ham yuqori bo‘ladi. 1960 yilda Hindistonda suv ombori to‘g‘onining buzilishi 15 ming kishining xalok bo‘lishiga sabab bo‘ldi.
Suv omborlari qurilishi daryo oqimi yo‘liga g‘ov qo‘yish bilan bajariladi. Bunda suv oqimi tranzit tizimdan tranzit akkumulyativ tizimga o‘tadi, ya’ni suvda oqib kelayotgan biogen moddalar, kimyoviy zaharlar, og‘ir metallar va radioaktiv moddalar to‘g‘onlarda qisman ushlab qolinadi va to‘planadi.
Suv omborlarining tashkil qilinishi ularning joylashgan mintaqalari atmosfera havosiga hm ta’sir qiladi. Bunday joylarda suvning bug‘lanib turishidan o‘ziga xos mikroiqlim hosil bo‘ladi. Havoning harorati boshqa yerlarga ko`ra odatda past bo‘ladi, tumanli kunlar nisbatan ko‘p bo‘lib, quyosh radiatsiyasi kamayadi, suv ombori va atrofdagi quruqlik yer orasida issiqlik balansi o‘zgarishidan shamolli kunlar ko‘payadi. Buning oqibati dehqonchilikka ham ta’sir ko‘rsatadi.
Yuqorida keltirilgan salbiy ta’sir holatlari ekotizmlarda o‘z aksini topadi. Suv omborining tashkil qilinishi mahalliy joyning ekotizimlarini tubdan o‘zgartirib yuboradi, to‘g‘onlarda to‘plangan zararli moddalar esa ko‘pgina suv organizmlari uchun ekologik vaziyatni yomonlashtirishi mumkin. Mana shu sabablarga ko‘ra kelajakda jahon energobalansida gvdroelektrostansiyalar ulushini 5% dan oshirilmaslik ko‘zda tutilmoqda.