Сурхондарё вилояти Фавқулодда вазиятлар бошқармаси

Услубнинг қўлланилиши: ўқув машғулотларининг барча турларида муайян бир харакатлар ёки бошқа омиллар натижасида юзага келадиган муаммоли вазиятдан чиқиб кетишнинг назарий ва амалий ечимини топиш орқали билимларини мустахкамлашга мўлжалланган. Ушбу услубни машғулот жараёнида ёки машғулотнинг бир қисмида якка тартибда ташкил этиш мумкин.
Машғулотни ўтказиш тартиби: машғулот раҳбари тингловчиларни гуруҳларга ажратиб, уларни мос ўринларига жойлаштиргандан сўнг, машғулотни ўтказиш тартиб – қоидалари ва талабларини тушунтиради, яъни у машғулотнинг босқичли бўлишини ва ҳар бир босқич ўқувчилардан алохида диққат – эътибор талаб қилишини, машғулот давомида улар якка, гуруҳ ва жамоа бўлиб ишлашларини айтади. Бундай кайфият тингловчиларга берилган топшириқларни бажаришга тайёр бўлишларига ёрдам беради ва бажаришга қизиқиш уйғотади. Машғулотни ўтказиш тартиб – қоидалари ва талаблари тушунтирилгач, машғулот бошланади:
● тингловчилар томонидан машғулот учун тайёрланган кинолавҳа диққат билан томоша қилинади, унда ёритилган муаммони аниқлашга ҳаракат қилиш, хотирада сақлаб қолиш ёки дафтарларига белгилаб чиқиш ишлари амалга оширилади (агар кинофильм кўрсатишнинг имконияти бўлмаса, у ҳолда машғулот раҳбари ўқув предметининг мавзуси бўйича плакат, расм, афиша ёки бирор муаммо баён қилинган матн, китобдаги ўқув материалидан фойдаланиш мумкин);
● ҳар бир гуруҳ аъзолари томонидан ушбу лавҳада (расмдан, матндан, ҳаётий воқеадан) биргаликда аниқланган муаммоларни ватман ёки А-3 форматдаги қоғозга фломастер билан ёзиб чиқади;
● берилган аниқ вақт тугагач, тайёрланган ишни гуруҳ вакили томонидан ўқиб эшиттирилади;
● машғулот раҳбари гуруҳлар томонидан танланган ва муаммолар ёзилган қоғозларни алмаштирган ҳолда гуруҳларга тарқатади;
● тарқатилган қоғозларда гуруҳлар томонидан ёзилган муаммолардан ҳар бир гуруҳ аъзоси (ёки ҳар бир гуруҳ) ўзини қизиқтирган муаммодан бирини танлаб олади;
● машғулот раҳбари томонидан тарқатилган қуйидаги чизмага ҳар бир гуруҳ аъзоси (ёки гуруҳ) танлаб олган муаммосини ёзиб, мустақил равишда таҳлил этади.