Сух туман тиббиёт бирлашмасининг 2020 йил «02» декабрдаги 105-сонли буйруғига 2-илова

Бўйни тик турган ҳолатда ўлчаш
Бўй ўлчагич текис жойда турганига ишонч ҳосил қилинг. Пойафзал, пайпоқ ва соч турмаклари ечилганини текширинг.
Она билан бирга ишланг ва бола билан бир хил баландликда бўлиш учун тиззада туриб, қўйидагиларни бажаринг:
• Болага оёқларини бироз икки томонга очган ҳолда деворга орқа томони билан тегиб туришига ёрдам беринг. Унинг 5 та нуқтаси: боши, кураги, думбаси, болдири ва товони вертикал тахтага тегиб туриши керак.
• Онани боланинг тиззаси ва тўпиғини тўғриланган ҳолатда вертикал деворга товон ва болдирларини теккизиб, ушлаб туришини илтимос
қилинг. Ундан боланинг эътиборини жалб этиш, зарурат бўлганда уни овунтириш ва агар у ҳолатини ўзгартирган бўлса, Сизга айтишини сўранг.
• Бола бошини шундай тутиши керакки, қулоқ каналидан кўзнинг ташқи қиррасигача бўлган горизонтал чизиқ тахта асосига параллель бўлиши лозим. Боланинг боши шу ҳолатда сақланиши учун унинг даҳанидан катта ва кўрсаткич бармоғингиз билан ушлаб туринг.
• Зарурат бўлганда, бола қаддини текис тутишига кўмаклашиш учун унинг қорин қисмини секингина босиб қўйинг.
• Боланинг бошини шу ҳолатда ушлаб туриб, бошқа қўлингиз билан боланинг боши тепа қисмига деворга қалам билан белгиланади.
Кўрсаткичларни аниқлаб, болани ривожланиш тарихига, боланинг бўйини 0,1 смгача яхлитлаган ҳолда ёзиб қўйинг. Бу Сизга кўринган охирги чизиқнинг ўзидир (0,1 см=1мм).
Эслатма: Агар Сиз ҳозир бўйини ўлчаган бола 2 ёшдан дан кам бўлса, унда бўйга 0,7 см қўшиб, натижани Қабул карточкасида тана узунлиги кўрсаткичи сифатида қайд этинг.

Катталар вазнини ўлчаш

Зарур материаллар: электрон тарози, ручка, қайд этиш дафтари

• 
  Қўлларни совун билан ювинг;
  
• 
  Тарози текис, қаттиқ ва турғун юзага ўрнатилганлигига ишонч ҳосил қилинг;
  
• 
  Ҳар қандай ҳолатда ҳам ТАРОЗИНИ ГИЛАМ ЁКИ НОТЕКИС ЮЗАГА ЎРНАТМАНГ;
  
• 
  Ускунадан биринчи маротаба фойдаланишдан олдин унинг ғилофини ечиб олинг;
  
• 
  Платформада жойлашган ва батареялар учун мўлжалланган бўлмани очинг ва контактларни ишчи ҳолатга келтириш учун изоляция варағини олиб ташланг;
  
• 
  Ўлчов бирликларини ўзгартирувчи переключателни “кг” ҳолатига (килограммлар) ўрнатинг;
  
• 
  Тарозини ёқиш учун қисқа муддатга платформани босинг ва дисплейда “00.0” ўрнатилишини кутинг;
  
• 
  Мижоздан оёқ кийимини ечиши ва оғирлигини платформа бўйича бир маромда тақсимлаган ҳолда, платформа устида туриши ва қимирламаслигини илтимос қилинг;
  
• 
  Қурилма натижани ҳисоблаб чиқмагунича кутиб туринг ва натийжа чиққач дафтарга қайд этинг;
  
• 
  Мижоздан тарозидан тушишини илтимос қилинг;
  
• 
  Қўлларни совун билан ювинг.