Sug'urta haqida

Soliq imtiyozlari:
Ushbu yo‘nalishni rivojlantirish va aholining himoyalanganligini oshirish maqsadida O‘zbekiston Respublikasi Hukumati tomonidan qo‘shimcha soliq imtiyozlari taqdim etilgan:
- yuridik shxslarning foydasidan olinadigan soliqlar bo‘yicha imtiyozlar: yuridik shaxslar tomonidan hayotni uzoq muddatga sug‘urtalash ushun to‘lanadigan sug‘urta mukofotlari boshqa xarajatlar sirasiga kiradi (O‘zR SK 145-moddasining 33-bandi);
- yuridik shaxslar hayotini uzoq muddatga sug‘urtalash xarajatlari jismoniy shaxslarning daromadlari sirasiga kirmaydi (O‘zR SK 172 va 307 moddalari);
- jismoniy shaxslarning daromadidan olinadigan soliqlar bo‘yicha imtiyozlar: uzoq muddatga sug‘urtalash uchun sug‘urta mukofotlari to‘lashga yo‘naltirilgan jismoniy shaxslarning ish haqi va boshqa daromadlari soliqqa tortilmaydi (daromad solig‘iga tortilmaydi, O‘zR SK 179-moddasining 28-bandi).  

Hayot sug‘urtasi

Hayotni sug‘urtalash – oila o‘z boquvchisini yo‘qotganligini munosabati bilan duch kelishi mumkin bo‘lgan moliyaviy qiyinchiliklardan yaqinlarimizni himoyalash imkonini beruvchi dasturdir. Sug‘urtalangan shaxs vafot etgan taqdirda Sug‘urta kompaniyasi Naf oluvchilarga (me‘rosxorlarga) bunday og‘ir va kutilmagan holatlarda odatdagidan ko‘ra ko‘proq zarur bo‘ladigan sug‘urta pulini to‘lab beradi.
Korporativ mijozlar uchun ularning xodimlari foydasiga mo‘ljallangan mazkur dastur xodimlarni va ularning oilalarini ijtimoiy himoyasini ta‘minlashning samarali mehanizmi bo‘lib, xodimlarning o‘z ishlariga bo‘lgan ishtiyoqlarini oshiradi va qo‘shimcha rag‘bat bolib xizmat qiladi.
Sug‘urta shartnomasining asosiy shartlari:
1. Sug‘urta muddati 2 dan 20 yilgacha;
2. Sug‘urta puli miqdori Sug‘urtalanuvchi (mijoz) tomonidan tanlangandan keyin Sug‘urta kompaniyasi sug‘urta mukofotini hisoblab beradi. Sug‘urta mukofotining miqdori Sug‘urtalangan shaxsning yoshi, sug‘urta muddati va sug‘urta badallarini to‘lash tartibiga bog‘liq;
3. Badallar to‘lovi quyidagi uslublarning birida: bir vaqtning o‘zida to‘liq, yillik, yarim yilda bir marotaba, har chorakda yoki har oyda amalga oshirilishi mumkin;
4. Sug‘urta pulining to‘lovi sug‘urtalangan shaxs vafot etsa (sug‘urta hodisasi), Sug‘urtalangan shaxs tomonidan tayinlangan Naf oluvchi yoki Sug‘urtalangan shaxsning me‘rosxorlariga to‘lanadi;
5. Sug‘urtalangan shaxsning yoshi – 18 dan 60 gacha, shartnoma muddati tugashi sanasida 65 yoshdan katta bo‘lmasligi kerak.