"Sug‘urta asoslari"

11-modda. Sug‘urtalovchilarni tuzish va davlat ro‘yxatidan o‘tkazish

Sug‘urtalovchilar qonunlarda nazarda tutilgan tashkiliy-huquqiy shakllarda tuziladi. Sug‘urtalovchilarni davlat ro‘yxatidan o‘tkazish O‘zbekiston Respublikasi Vazirlar

Mahkamasi belgilagan tartibda O‘zbekiston Respublikasi Adliya vazirligi tomonidan amalga oshiriladi.

12-modda. Sug‘urtalovchilarning ustav fondi

Sug‘urtalovchilar ustav fondining eng kam miqdori O‘zbekiston Respublikasi Vazirlar Mahkamasi tomonidan belgilanadi.

Sug‘urtalovchi ustav fondining kamida to‘qson foizi muassislarning (ishtirokchilarning) pul mablag‘laridan shakllantiriladi.

Sug‘urtalovchining ustav fondini shakllantirish uchun kreditga, garovga olingan mablag‘lardan va boshqa jalb qilingan mablag‘lardan foydalanishga yo‘l qo‘yilmaydi.

Sug‘urtalovchining ustav fondi litsenziya olinadigan paytga qadar sug‘urtalovchining muassislari tomonidan to‘langan bo‘lishi kerak.