Sug’orish texnikasi sug’orishni o’tkazish texnologiyasi va bunda qo’llaniladigan texnik vositalarni o’z ichiga oladi

40- jadval
Tuproqning mexanik tarkibiga ko’ra egatlar orasidagi masofa va ularning ko’ndalang kesim o’lchamlari (Kolpakov V.V., Suxarev I.P., 1981)

Egatlar	Ko’ndalang kesimi		Egatlar orasidagi masofa, sm
	chuqurligi, sm	ustki kengligi, sm	yengil qumoq tuproq	og’ir qumoq tuproq
Sayoz	10–15	30–35	40–50	60–70
O’rtacha chuqur	15–20	40–45	60–70	80–90
Chuqur	20–30	50–60	80–90	90–110

Egat uzunligi. Juda kalta (40–60 m) egatlar orqali sug’orish suvchining va qishloq xo’jaligi mashinalarining ish unumdorligini, yer va suvdan foydalanish koeffisiyentlarini pasayishiga olib keladi. Kalta egatlar orqali sug’orishda tuproqning hisobiy qatlamini namiqtirish uchun lozim bo’lgan sug’orish davomiyligida suvning ko’p qismi (40–50%gacha) oqova sifatida tashlab yuboriladi. Haddan ziyod uzun egatlar orqali sug’orishda qishloq xo’jaligi mashinalaridan foydalanish samaradorligi va suvchining ish unumdorligi ortadi. Lekin suvni egat oxirigacha yetib borishi uchun ko’p vaqt (t₁) talab etiladi va tuproqning hisobiy qatlamini namiqtirish uchun zarur bo’lgan vaqt (t_um) mobaynida egatning bosh qismida chuqur qatlamlarga filtrasiya bo’lishi tufayli ko’p miqdordagi suv isrof bo’ladi. Bu esa tuproqni egat bo’ylab bir xil chuqurlikda namiqmasligiga olib keladi, ya’ni egatning bosh qismida uning ortiqcha namiqishi va oxirida yetarlicha namiqmasligiga sabab bo’ladi.