Sudya yordamchisi : Turing sud kelyapdi. Sudya

Sudya: Rahmat o’tiring!
Sudlanuvchi turamiz!
Ayblov xulosasi mazmunan tushunarlimi?
Sudlanuvchi: Tushunarli
Sudya: Aybingizga iqrormisiz?
Sudlanuvchi: Aybimga to’liq iqrorman.
Sudya: Sizning huquq va majburiyatlaringizni tushuntirib o’taman. Jinoyat-protsessual kodeksining 46-moddasida huquq va majburiyatlaringiz yozilgan. Himoyachi olish huquqiga, raddiyalar bildirish, sud majlisi bayonnomasi bilan tanishish, sud qaroridan norozi bo’lgan olda apellatsiya bildirish huquqiga egasiz. Tushunarlimi?
Sudlanuvchi: Tushunarli.
Sudya: O’zingizga ma’lum bo’lgan holatlar bo’yicha ko’rsatmangizni eshitamiz. Marhamat!
Sudlanuvchi: Haqiqatdan ham 2021-yil ___-iyun kuni , uy ishlaridan chalg’ish maqsadida, Million tungi klubiga borib, ovqatlanib, spirtli ichimliklar iste’mol qildim. Raqsga tushayotganimda klub xavfsizlik xodimlari kelib e’tiroz bildirishdi. Ular bilan tortishib qoldim. Xavfsizlik xodimi klub orqasiga chiqishni aydi, klub orqasiga chiqqanimizdan keyin yuz qismimga bir marta mushti bilan zarba berdi. Spirtli ichimliklar ichganim sababli, yig’ma pichoq bilan zarba berdim. Keyin ko’chada turgan fuqarolar kelib, bizni ajratishdi. Shundan so’ng, Ichki ishlar xodimlari keldi va tergov ishi boshlandi.
Sudya: Qilgan ishingizdan afsusdamisiz?
Sudlanuvchi: Aybimdan pushaymonman.
Sudya: O’rtoq prokuror savollar bormi?
Prokuror: yo’q.
Sudya: Himoyada savol bormi?
Advokat: Ayblovda qasddan odam o’ldirish qo’yilyapdi, siz oldindan Aliyevni tanib,o’ldirishni maqsad qilib, tayyorlanganmisiz?
Sudlanuvchi: O’ldirish maqsadim yo’q edi, oldindan tanimasdim, faqat tergov jarayonida tanishdik. Spirtli ichimlik ta’sirida shunday oqibat kelib chiqdi. Qilgan ishimdan pushaymonman.
Advokat: Rahmat! Boshqa savolim yo’q.
Sudya: Jabrlanuvchida savol bormi?
Jabrlanuvchi: Hozircha savolim yo’q.