Суд амалиётини умумлаштириш материаллари тўплами (кўчирмалар)

6. Давлат солиқ хизмати органи томонидан қарздорни банк-
рот деб топиш тўғрисидаги аризасига қонун ҳужжатларига 
мувофиқ мажбурий тўловлар бўйича қарзни қайтариб олиш-
га доир чора-тадбирлар кўрганлигини тасдиқловчи далил-
ларнинг илова қилинмаганлиги «Банкротлик тўғрисида»ги 
қонуннинг 45-моддасига ҳамда ХПК 118-моддаси биринчи 
қисмининг 1-бандига асосан аризани қайтаришга асос бўлади.
тошкент шаҳар Миробод туман дси хўжалик судига муро
-
жаат қилиб, қарздор «Hamer Set» МЧжни банкрот деб топишни 
сўраган.
аризада қарздорнинг 2012 йил 20 июнь ҳолатига солиқ ва 
бошқа мажбурий тўловлардан қарзи 7 361 279 924 сўмни ташкил 
этиши ва унинг мол-мулки йўқлиги баён этилган.
Ўзбекистон Республикасининг «банкротлик тўғрисида»ги 
Қонуни 43-моддасининг иккинчи қисмига, кўра давлат солиқ 
хизмати органининг ва бошқа ваколатли органнинг қарздорни 
банкрот деб топиш тўғрисидаги аризасига қонун ҳужжатларига 

---

528
мувофиқ мажбурий тўловлар бўйича қарзни қайтариб олишга 
доир чора-тадбирлар кўрилганлиги далиллари илова қилиниши 
керак.
ушбу Қонун 45-моддасининг олтинчи қисмига биноан агар 
қарздорни банкрот деб топиш тўғрисидаги ариза ушбу Қонуннинг 
37 – 44-моддаларида назарда тутилган талабларга мувофиқ 
бўлмаса, судья аризани қайтаради.
Ўзбекистон Республикаси олий хўжалик суди пленумининг 
«банкротлик тўғрисида»ги Ўзбекистон Республикаси Қонунини 
хўжалик судлари томонидан қўллашнинг айрим масалалари 
ҳақида» 2007 йил 26 январдаги 142-сон қарорининг 4-бандига 
кўра, давлат солиқ хизмати органи ва бошқа ваколатли орган 
(Ўзбекистон Республикаси давлат бюджетига ва давлат мақсадли 
жамғармаларига солиқлар, йиғимлар ҳамда бошқа мажбурий 
тўловларнинг ундирилиши устидан назорат олиб борувчи вако
-
латли орган)нинг қарздорни банкрот деб топиш тўғрисидаги ари
-
засига қонун ҳужжатларига мувофиқ мажбурий тўловлар бўйича 
қарзни олишга доир чоралар кўрилганлиги ҳақида далиллар 
илова қилиниши керак. аризага кредиторнинг қарзни ундириш 
тўғрисидаги суд қарори, ижро ҳужжати (ижро варақаси, қарздор 
томонидан акцептланган тўлов талаблари, нотариуснинг ижро 
хати ва бошқалар) ёки кредитор талаблари қарздор томонидан 
тан олинганлигини тасдиқловчи далиллар мавжуд бўлса, илова 
қилинади.
дси ўз аризасига қарздор «Hamer Set» МЧждан мажбурий 
тўловлар бўйича қарзни қайтариб олишга доир чора-тадбирлар 
кўрилганлиги ҳақидаги далилларни илова қилмаганлиги сабабли, 
ариза «банкротлик тўғрисида»ги Қонуннинг 45-моддаси ҳамда 
хпк 118-моддаси биринчи қисмининг 1-бандига асосан суднинг 
ажрими билан қайтарилган.