Studentlerdiń universitet ishki-tártip-qaǵıydalarına ámel etiwi haqqında isenim xati

Studentlerdiń universitet ishki-tártip-qaǵıydalarına ámel etiwi haqqında ISENIM XATI

Men ____________________________ topar studenti ______________________ 2021-2022-oqıw jılı dawamında universitettıń ishki tártip qaǵıydalarına tolıq boysınıp, tómendegilerge ámel qılıwǵa isenim beremen:

- universitet hám fakultet aymaǵında ótkeriletuǵın ǵalabalıq jıyınlarda qatnasaman;
- universitette nızamlı ráwishte is júritiwde jámiyet birlespelerine aǵza bolıp, olarǵa qatnasaman;
- tálim alıw procesinde jámiyetlik tártip qaǵıydalarǵa, ruwxıy qádiriyatlarımızǵa, nızam talaplarına, óz ara múnásibetlerdiń joqarı talaplarına juwap beriwshi qaǵıydalarǵa qatań ámel qılaman;
- oqıw procesi talaplarına boysınıp, oqıw shınıǵıwlarına keshirimli sebepsiz qaldırmayman, sabaqlarǵa keshigip qalmayman, shınıǵıwlar tamam bolmastan aldın ketip qalmayman;
- bilim beriw procesi menen baylanıslı wazıypalardı óz waqtında sıpatlı orınlayman, oqıtıwshılardıń pándi ózlestiriw menen baylanıslı tapsırmaların óz waqtında talap dárejesinde orınlap, shınıǵıwlarǵa zárúr oqıw quralları menen kelemen;
- tiyisli kafedra hám dekanat penen bekkem baylanısta bolıp, dekanattıń nızamlı tapsırmaların óz waqtında orınlayman;
- bilimlerdi iyelewde belsendilik hám ǵayrat kórsetip, juwapkersizlikke jol qoymayman;
- óz kurslaslarım, basqa studentler, professor-oqıtıwshılar menen jaqsı múnásibette bolaman;
- universitet múlklerine abaylı hám tejemli múnásibette bolıp, olarǵa qasttan yaki ıqtıyatsızlıqtan zıyan jetkermeymen, zıyan jetkergen jaǵdayda zárúr ornın ornatılǵan tártipte qaplap, zatlardı auditoriyadan yaki imarattan sırtqa alıp shıqpayman;
- bina ishinde, dálizlerde, auditoriyalarda sanitariya qaǵıydaların boysınıp, pataslıqqa jol qoymayman, temeki shekpeymen;
- kiyiniw mádeniyatına boysınaman, bezek ham taǵınshaqlarǵa ósh bolmayman;
- sırtqı kórinis hám jaman qulqım menen basqalardan ajıralıp turmayman, ádep-ikramlılıq qaǵıydalarına sózsiz boysınaman;
- sebepli (sonday-aq, kesellik sebepli) oqıw shınıǵıwlarına kelmesem, úsh kúnnen keshikpesten ózim yaki topar basshım arqalı dekanattı jazba ráwishte xabardar qılıp, qatnaspaǵanlıq sebeplerin kórsetemen;
- shet el shólkemleri grantlarında qatnasqan jaǵdayda, bul haqqında fakultet dekanın xabardar qılıp, grant penen baylanıslı halda, shet elge ketiwden aldın ornatılǵan tártipte Ministrlik basshılarınıń razılıǵın alaman;
- óz ilimiy, ruwxıy ádep-ikramlılıq, ideyalıq, siyasiy oy-órisimdi barqulla arttırıp barıp, mámleketimizde ámelge asırılıp atırgan social-ekonomikalıq hám siyasiy tarawlardaǵı jańalanıwlardan xabardar bolıp baraman;
- universitet Ustavı, ishki tártip qaǵıydaları, oqıw intizamına, Ilimiy keńes qararları, rektor buyrıqları hám de bilimlendiriw sistemasına baylanıslı normativ-huquqıy hújjetlerde qoyılǵan maqset hám wazıypalarǵa, sonday-aq, ózimniń májbúriyatlarıma boysınaman;
- universitet aymaǵında, binalarda, auditoriyada temeki shekpeymen;
- alkogollı ishimlikler (pivo, vino hám basqalar), náshebentlik zatlardı qabıl qılmayman;
- ádepsizlik qılıp, uyatlı sózler aytpayman, sóginbeymen, ózgelerge shılqımlıq qılmayman, adamlar tınıshlıǵına kesent etetuǵın is-háreketler qılmayman;
- diniy mazmundaǵı jazba elektron qurılmalardaǵı materiallardı tayarlamayman, paydalanbayman, saqlamayman, tarqatpayman;
- milliy, qáwimlik, etnikalıq, diniy túsinikti tarqatıwshı hár túrli formadaǵı materiallardı tayarlamayman, saqlamayman, tarqatpayman;
- biyhayalıqtı kórsetiwshı pornografik materiallardı qanday kóriniste bolıwınan qaramastan (súwret, audio, video, baspa) tayarlamayman, saqlamayman, tarqatpayman;
- universitet aymaǵında qumar oyınlardı oynamayman;
- biná ishinde bas kiyimde hám ústi kiyimde (palto, postın, kurtka) júrmeymen, joqarı dawısta sóylemeymen, shawqım salmayman, shınıǵıwlar bolıp atırǵanda dálizlerde júrmeymen, auditoriya esigin sebepsiz ashıp qaramayman;
- universitetke diniy ibádat kiyimlerinde kelmeymen;
- universitet aymaǵında adamlar dıqqatın tartatuǵın mayka, kishi yubka, shortik hám basqa ádep-ikramlılıqqa qayshı keletuǵın kiyimlerde júrmeymen, taǵınshaqlardı taǵıp alıp, jasanıwdıń, ǵayrı ádetiy usıllardı qollanbayman;
- pákize kiyinemen, shash túrmeklerin ǵayrı tábiyiy bolıwına jol qoymayman;
- universitet aymaǵında uyalı baylanıs qurallarınan paydalanǵanımda onı «dawıssız» rejimge ótkeremen;
- oqıw shınıǵıwları waqtında uyalı baylanıs quralların tolıq óshirip qoyıp, ruxsatsız paydalanbayman;
- uyalı baylanıs quralların paydalanǵanımda insan qádiri hám qımbatın jerge uratuǵın, ruwxıy buzıqlıqtı hár qanday kórinislerdi (pornografiya, alkogolizm, kashandalik, náshebentlik) tarqatıwshı, student jaslardıń kámal tabıwına ruwxıy zıyan jetkeriwshi, ulıwmalıq qadaǵan etilgen ádeplilik qádiriyatlarǵa ziyan keltiriwshi, milliy, diniy, etnikalıq qarsılıqlar keltirip shıǵarıwshı, diniy dogmatizm, missionerlik, fundamentalizmdi tarqatıwshı hár qanday maǵlıwmatlardı alıp kirmeymen, tarqatpayman;
- uyalı baylanıs quralların bezetiwde (fon súwretler) jasıma say bolmaǵan, ruwxıy ádep-ikramlılıqqa zıyanı bolǵan kórinislerden paydalanbayman;
- kireyde yaki studentler turar jayında saat 22:00 den 06:00 ge shekem puqaralardıń tınıshlıǵın buzatuǵın, dem alıwlarına kesent beretuǵın qolaysız háreketlerdi islemeymen (radiopriyomnik, televizor, magnitofon hám basqa dawıs kúsheyttiriw qurallarınan paydalanbayman);
- universitet aymaǵında, shınıǵıwlarǵa basqa (universitetke baylanısı bolmaǵan) adamlardı baslap kelmeymen.
Eger de men universitet ishki tártip-qaǵıydaların buzıp, oǵan boysınbastan joqarıdaǵılarǵa qarsı is-háreketler islesem, maǵan Nızamda belgilengen tártipte tiyisli shara qollanılıwına razıman.

______________________________ _____________

(Studenttiń F.I.Sh.) (Qolı)