Strategiyalı oxu anlayışı Düşünmənin üç mərhələsi Strategiyalı oxunun növləri

Nişanlamaqla oxu. Buna, insert üsulu da deyilir. Bu zaman şagird mətni təhlil edərək oxuyur. Mətndə verilən məlumatlar qruplaşdırılır. Müəllim təklif edir ki, şagirdlər məlumatları aşağıdakı kimi qruplaşdırsınlar:

• 
  sizə məlum olan məlumatı “+” işarəsi ilə qeyd edin;
  
• 
  əvvəlki biliklərinizə zidd olan məlumatı “-” işarəsi ilə qeyd edin;
  
• 
  sizin üçün maraqlı və gözlənilməz olan fikirləri “!” işarəsi ilə qeyd edin;
  
• 
  sizin üçün qaranlıq qalan, daha çox öyrənmək istədiyiniz məlumatı “?” işarəsi ilə nişanlayın.
  

+	-	!	?
Mən bunu bilirdim	Bu, mənim bildiyimə ziddir.	Bu, mənim üçün yeni məlumatdır.	Mən bu haqda daha çox bilmək istəyirəm.

Ənənəvi oxu ilə strategiya ilə oxunun müqayisəsi və strategiyalı oxunun qiymətləndirilməsi. Qeyd etmək lazımdır ki, oxu təlimi iki fərqli yanaşma əsasında qurulur. Oxu prosesində tətbiq olunan hər iki yanaşmanın xarakterik xüsusiyyətləri aşağıda verilmişdir:

Ənənəvi oxu (oxudan əvvəl)	Strategiya ilə oxu (oxudan əvvəl)
Oxu tapşırığı verilir	Başlıqla tanışlıq, fərziyyələr irəli sürmə, düşünmə və məqsədi müəyyənləşdirmə: Burada söhbət nədən gedə bilər? Mən bu haqda nə bilirəm? Bu mətni oxumaqda məqsədim nədir?