Stomatologik kasalliklar profilaktikasi

Tarkibida shifobaxsh o‘simlik moddalari saqlovchi tish pastalari 
Mazkur pastalar modda almashinuvini jonlantiradi, yaxshilaydi, to‘qimalar 
regenerastiyasini kuchaytiradi, milklardan qon ketishini kamaytiradi, og‘izdagi noxush hidlarni 
bartaraf etadi. Quyidagi guruhga kiruvchi tish pastalari bilan tanishamiz. 
―Lesnaya‖ tish pastasi o‘z tarkibida 5% xvoy-karotin massasini saqlaydi. Unda xlorofidd, 
karotin, askorbin kislotasi, tokoferol, balzamli smola mavjuddir. Tarkibida shunday kompleks 
moddalarning borligi mazkur pastani milk to‘qimasiga yaxshi ta‘sir etib yallig‘lanish 
jarayonlariga barham berishni, og‘izda noxush hidlarni yo‘qotish, xushbo‘y qilishni, milklardan 
qon oqishini bartaraf etishni va shilliq parda regenerastiyasini ta‘minlaydi. 
―Romashka‖ tish pastasi romashka va zveroboy singari shifobaxsh o‘simliklarning suvli-
spirtli ekstrakti bilan boyitilgan bo‘lib, yallig‘lanishga qarshi, antiseptik, yaxshi tozalovchi 
xususiyatlarga va yaxshi maza ta‘mga egadir. 
Shu guruhga kiruvchi, bolalar uchun mo‘ljallangan ―Buratino‖ ham tarkibida romashka, 
mingyillik va qalampirmunchoq
o‘simliklarining
ekstraktini saqlab, yallig‘lanishka qarshi kuchli 
vosita sifatida milklar yallig‘lanishida juda yaxshi samara beradi. 
Bolalar tish pastasi ―Щelkunchiq‖ kalendula ekstrakti asosida tayyorlanib, tarkibida 
karotin, liqonin, efir moylari, organik kislotalar saqlaydi. Fitonstidlarga boy bo‘lib, yallig‘lanish 
jarayonlarida yuqori samara beradi.
―Parodontax‖ nomli tish pastasi ham tabiiy o‘simliklar asosida tayyorlangan. Ushbu tish 
yuvish pastasi milklardan qon oqishini oldini oladi, yallig‘langan milklarga ijobiy ta‘sir 

---

156 
ko‘rsatadi, bakteriyalarni ko‘payishini to‘xtatadi, uglevodlar parchalanishidan hosil bo‘lgan 
organik kislotalarni neytrallash hxususiyatiga ega. Milklarni mustahkamlaydi va yaxshi tozalash 
sifatiga egadir. Mazkur tish pastasi tarkibida yalpiz, mirt, shalfey, romashka, rataniya, bikarbonat 
natriy tutadi, bu esa parodont kasalliklarini profilaktikasi va davolash ishlarida samarali 
hisoblanadi.