Стенограммаси 2022 йил 05 апрель Урганч шаҳри

Раис: Улуғ Каримович яна саволлар борми? Саволларга жавоблар қониқарли бўлдими?
к.ф.д., проф. У.К.Ахмедов: Ҳурматли раис саволлар бўлди, жавоб қониқарли.
Раис: Сўз т.ф.д., проф. Эшеметов Иззат Дусимбатовичга. Марҳамат Иззат Дусимбатович!
т.ф.д., проф. И.Д.Эшметов.
Савол: Ассалому алайкум ҳурматли кенгаш аъзолари. Менда бир нечта саволлар бор эди. Биринчи саволим, 2% лимон кислотасидан фойдаланишдан асосий мақсад нима эди?
Жавоб: Савол учун раҳмат. Ҳаммамизга маълумки ёғларни гидратация қилиш жараёнида одатда сувли эритмадан фойдаланилади. Биз тақдим қилаётган диссертация ишида техник пахта ёғини гидратация қилиш жараёнида анъанавий сувли эритманинг ўрнига 2% лимон кислотасининг сувли эритмасидан фойдаландик. Бундан асосий мақсад гидратация жараёнини жадаллаштириш ва гидаратцияланаётган пахта ёғимиздан одатдагидан кўра янада кўпроқ фосфолипидлар ҳамда триацилглицеридларни ажратиб олиш эди. Бундан ташқари, қўлланилаётган эритма гидратацияловчи реагент сифатида ишлатилганда жараён натижасида пахта ёғидан озиқ-овқат саноати учун захарли ҳисобланган госсипол ва унинг ҳосилалалари ҳам ажралиши кузатилган.
Савол: Кейинги савол. Авторефератда олинган реагент антикоррозион хусусиятга ҳам эга эканлиги айтиб ўтилган. Айтингчи бу хусусият қайси модда ёки реагент туфайли юзага келаяпти?
Жавоб: Таклиф қилаётган реагентимизнинг антикоррозион хусуияти унинг таркибида сезиларли миқдорда триацилгличериднинг мавжудлиги билан асосланади. Сонларда айтадиган бўлсак, реагент таркибида ўртача 25-27% улушда триацилглицерид моддаси мавжуд.
Савол: Охирги саволим, авторефератда 4-жадвалда шартли қовушқоқлик деган кўрсаткични келтириб ўтган экансиз. Шартли қовушқоқлик деганда нимани назарда тутгансиз?
Жавоб: Бу жадвалда шартли қовушқоқлик деганда Марш варонкаси орқали секунд ўлчов бирлигида ўлчанган қовушқоқлик назарда тутилган.
Раис: Иззат Дусимбатович яна саволлар борми? Саволларга жавоблар қониқарли бўлдими?