Statistika fanidan glossariy

Asosiy fondlarning to’liq tiklash qiymati – zamonaviy sharoitda korxona tomonidan xuddi shunday asosiy fond ob’ektini sotib olish uchun sarflaydigan qiymatdir.
Asosiy fondlarning eskirishini hisobga olgan holda tiklash qiymati – bu to’liq tiklash qiymatidan eskirish qiymatini chegirishdan hosil bo’lgan qiymat.
Amortizatsiya bu – eskirish qiymatining puldagi ifodasi.
Asosiy fondlar balansi bu – ma’lum davr mobaynida asosiy fond holati va harakatini tavsiflovchi statistik jadval.
Iqtisodiy ishlab chikarish – institutsion birlik nazorati ostida mehnat yoki mablag’ sarfi, tovar yoki xizmat sarfi natijasida boshqa turdagi tovar va xizmat turini etkazib beradigan faoliyatdan iborat.
Oralik iste’mol – xisobot davrida uz shaklini uzgartirgan (transformatsiyalangan) yoki ishlab chikarish xarajati sifatida butunlay iste’mol kilingan tovar va xizmatlar kiymati.
Tovarlar - mulkchilik huquqi qo’llanishi mumkin bo’lgan fizik predmet (buyumlar). Tovarlar ayni paytda turli turdagi sub’ektlarda egalik kilish hohishini uyg’otuvchi, talab hissini tug’diruvchi predmet shaklida namoyon bo’lishlari kerak.
Xizmatlar – buyurtma asosida tayyorlanadigan turli predmetlar bo’lib, ishlov berish natijasida ular o’z holatini iste’molchining talabiga mos tarzda uzgartiradi. Bu ishni ishlab chikaruvchi amalga oshiradi.
Qushilgan kiymat – yalpi qo’shilgan qiymat ishlab chikarilgan qiymatdan oraliq iste’mol qiymatini chegirib tashlash natijasida paydo bo’ladi. Sof qo’shimcha qiymat yalpi qo’shilgan qiymatdan asosiy fondlar iste’mol qiymatini chegirib tashlash natijasida hosil bo’ladi.
Institutsional birliklar – bu to’liq hisoblar to’plamini tuzib boradigan va xo’jalik yuritishda mustakillikka ega bo’lgan birliklardir.
To’lov balansi mamlakat rezident birliklarining norezidentlar bilan bo’lgan iqtisodiy munosabatlari natijalarining ma’lum bir davr (oy, chorak, yil) davomidagi o’zgarishlarini ifoda etadi.