Standart bolmaǵan testlerden paydalanıw birinshi náwbette oqıwshılarda ǵárezsiz

I bap. Test tapsırmalarınıń klassifikaciyası hám qıyınshılıq dárejesi kriteryaların úyreniw

II bap. Biologiyanı oqıtıwda standart hám standart bolmaǵan testlerden paydalanıw

Standart bolmaǵan testlerden paydalanıw birinshi náwbette oqıwshılarda ǵárezsiz

pikirlew, dóretiwshilik jantasıw, temada úyrenilgen maǵlıwmatlardı qayta isley alıw,

óz pikirin ayta alıw, arnawlı bir process, obiekt yamasa waqıyanıń mánisin

túsintira alıw, usı process, obiyekt yamasa waqıyanıń ayriqsha ózgeshelikin

ajıratıp kórsete alıw sıyaqlı unamlı pazıyletlerdi qáliplestiredi hám rawajlantıradı. Sol

menen birge standart bolmaǵan test tapsırmaların dúziw oqıtıwshında dóretiwshilik

(kreativlik) dıń formaantirib, rawajlantıradı, óz ústinde islewge, óziniń jumisına

sın kózqarastan munasábette bolıwına alıp keledi. Usı waqıtta oqıtıwshına temanı

oqıtıwda jol qoyǵan kemshiliklerin anıqlawǵa múmkinshilik beredi hám de intalı

oqıwshılardı anıqlawǵa járdem beredi.

Pedagogikalıq texnologiyalardıń ajıralmaytuǵın bólegi bolǵan test tapsırmaları

barlıq oqıw pánlerinde bilimlerdi tekseriwdiń tiykarǵı usılı bolıp qaldı, ásirese,

XX ásirdiń 90 -jıllarından baslap mámleketimiz tálim sistemasına kirip kela

basladı. Sonı da aytıp ótiw kerekki, sol waqıtlarda derlik barlıq pánlerde

da test tapsırmaların dúziw boyınsha anıq bir metodikalıq qóllanbalar hám

kórsetpeler islenbesten turıp test tapsırmaları islep shıǵıldı hám baspa etildi.

Bul bolsa ayırım shálkesliklerdi keltirip shıǵardı. Testologiya, yaǵnıy oqıtıw

maqsetlerin test tapsırmalarında ańlatıw pedagogikalıq texnologiyalardıń aqırǵı

basqıshlarınan biri esaplanadı. Bul sonnan dárek berediki Ózbekstanda jańa

pedagogikalıq texnologiyalardı qóllaw onıń aqırǵı basqıshından baslanǵan.