Ssenariysi (Zal bayramona bezatilgan bo‘lib, mayin musiqa sadolari ostida sahnaga boshlovchilar chiqib kelishadi) 1

Ssenariysi
(Zal bayramona bezatilgan bo‘lib, mayin musiqa sadolari ostida sahnaga boshlovchilar chiqib kelishadi)


1-boshlovchi:
Ko’rgali husningni zor-u mubtalo bo’ldim sango,
Ne balolig’ kun edikim, oshino bo’ldum sango.


2-boshlovchi:
Har necha dedimki, kun kundin uzay sendin ko’ngul,
Vahki, kun kundin battarrak mubtalo bo’ldum sango.


1-boshlovchi: Assalomu alaykum! Buyuk mutafakkir, daho shoir, g‘azal mulkining sultoni-Mir Alisher Navoiy tavalludining mo‘jaz tantanasiga yig‘ilgan aziz mehmonlar!


2-boshlovchi: Assalomu alaykum! Mana shu davraga yig’ilgan adabiyot va she’riyat ixlosmandlari!
1-boshlovchi: Marg’ilon shahridagi ta’lim muassalarida faoliyat ko’rsatayotgan ijodiy-madaniy masalalar bo’yicha targ’ibotchilar tomonidan Hazrat Nizomiddin Mir Alisher Navoiy tavalludining 581 yilligi hamda Zahiririddin Muhammad Bobur tavalludining 539 yilligi munosabati bilan tashkil etilgan “Nazm va navo” kechamizga, xush kelibsizlar.
2-boshlovchi: Bugungi adabiy kechamizni ochib berish uchun so‘z Marg’ilon shahar hokimi_____________________________________ga
2-boshlovchi: Kecha kelgumdir debon ul sarvi gulro’ kelmadi,
Ko’zlarimga kecha tong otquncha uyqu kelmadi.


1-boshlovchi: Lahza-lahza chiqdimu chekdim yo’lida intizor,
Keldi jon og’zimg’ayu ul sho’xi badxo’ kelmadi.
Buyuk davlat arbobi, shoh va shoir Zahiriddin Muhammad Bobur esa: «...Alisherbek naziri yo‘q kishi erdi, turkiy bilan to she’r aytubturlar, hech kim oncha ko‘p va xo‘p aytqon emas»,-deya ta’riflaydi.


2-boshlovchi: Qo’shiq. Fido Navoiy g’azali. Ijro etadi Marg’ilon shahar amdaniyat markazi
1-boshlovchi: So’zga evurdi ikki labingni takallumung,
Yo bargi gulni iki ayirdi tabassuming.


2-bosh: Har kecha ko’nglum g’aming tog’ida faryod aylagay,
O’ylakim faryod-faryodini Farhod aylagay.
1-boshlovchi: Navbatni Alisher Navoiy va Bobur g’azallarining go’zal ijrosiga beramiz, marhamat!


2-boshlovchi:
Olam ahli bilingizkim, ish emas dushmanlig’,
Yor o’lung bir-biringizgakim erur yorlig’ ish.


1-boshlovchi: Sahna asari. Farhod va Shirin hamda Navoiy


2-boshlovchi: Qoshi yosinmu deyin, ko’zi qarosinmu deyin,
Ko’ngluma bir-birining dardi balosinmu deyin.


1-boshlovchi: Ko’zi qahrinmu deyin, kipriki zahrinmu deyin,
Bu kudurat ichra ruxsori safosinmu deyin.
“Sohibi davlat-Alisher Navoiydirki, bizning zamonamiz aning birla sharaflidir. Turkiy tilda bir ajoyib naqsh qildiki, jodu damlilar labiga muhr bosib qo‘ydi”,-deya yuksak ta’rif beradi Abdurahmon Jomiy o‘z shogirdiga.


2-boshlovchi: Navbatni Marg’ilon shaharida faoliyat yuritayotgan ijodiy targ’ibotchilarimning she’riy guldastasiga beramiz.
1-boshlovchi: Sochining savdosi tushti boshima boshdin yana,
Tiyra boʻldi roʻzgorim ul qaro qoshdin yana.

2-boshlovchi: Men hud ul tifli pariyvashgʻa koʻngul berdim, vale

Xonumonim nogahon buzulmagʻay boshdin yana.


1-boshlovchi: Navbat Zahiriddin Muhammad Bobur siymosini o’zida aks ettirgan sahna asariga, marhamat!


1-boshlovchi:
Kim ko‘rubdur, ey ko‘ngul, ahli jahondin yaxshilig‘,
Kimki, ondin yaxshi yo‘q, ko‘z tutma ondin yaxshilig‘.
2-boshlovchi:
Gar zamonni nayf qilsam ayb qilma, ey rafiq,
Ko‘rmadim hargiz, netoyin, bu zamondin yaxshilig‘!
2-boshlovchi: Qo’shiq. “Yaxshilig’” Bobur g’azali. Ijro etadi Marg’ilon shahar madaniyat markazi xonandasi___________________________


1-boshlovchi: Mir Alisher na’rasiga Aks-sado berdi jahon,
She’riyat mulkida bo‘ldi Shohu sulton, o‘zbegim.


2-boshlovchi: Mirzo Bobur - sen, fig‘oning Soldi olam uzra o‘t,
Shoh Mashrab qoni senda Urdi tug‘yon, o‘zbegim.
1-boshlovchi: Azizlar, Shuning bilan bugungi adabiy kechamiz o‘z nihoyasiga yetmoqda. Lekin g‘azallar sehri qalbimizni to‘lqinlantirishda davom etaveradi.
2-boshlovchi: Barchamizga omad yor, Olloh madadkor bo‘lsin!