Sport menejmenti va iqtisodiyot

Korporativ xulq - atvor kodeksi


Korporativ xulq - atvor kodeksida direktorlar Kegashi tarkibiga Mustaqil
Direktor kiritish tavsiya etiladi. Kodeksda jamiyat direktorlar Kengashi a’zosining
majburiyatlarni ijro etish etti yillik muddati tugagandan so‘ng Mustaqil Direktor mustaqil sifatida ko‘rib chiqilishi mumkin emasligi belgilab qo‘yilgan.

Korporativ xulq - atvor kodeksida, shuningdek, direktorlar kengashi (DK)

tarkibida direktorlar kengashi vakolatlari doirasiga kiradigan eng muhim
masalalarni dastlabki ko‘rib chiqish uchun maxsus qo‘mitalar tashkil qilish tavsiya
etiladi:

1. Strategik rejalashtirish bo‘yicha qo‘mita uzoq muddatli istiqbolda jamiyat

samaradorligini oshirishga xizmat qiladi.

2. Audit bo‘yicha qo‘mita (jamiyatning moliya - xo‘jalik faoliyati ustidan

DK nazoratini ta’minlaydi).

3. Mukofotlash va kadrlar bo‘yicha qo‘mita (jamiyatni boshqarishga yuqori

malakali mutaxassislar jalb qilishga va ularning muvaffaqiyatli ishlashi uchun
zarur choralar yaratishga xizmat qiladi).

4. Korporativ nizolarni tartibga solish bo‘yicha qo‘mita (AJ ishtirokida

korporativ nizolarning oldini olish va samarali hal etishga xizmat qiladi).

5. Etika bo‘yicha qo‘mita (jamiyatning ahloqiy me’yorlarga rioya qilishi va

jamiyatda ishonch asosidagi munosabatlar shakllantirishga xizmat qiladi).
DK samarali ishlashi – kompaniyalar investistion jalb etuvchanligini
oshirish, ularning aksiyadorlik qiymatini o‘stirishning muhim omili, DKning o‘zi
esa – korporativ boshqaruv sifatli tizimining bosh elementi hisoblanadi.
Boshqarma vakolatlari qonunchilikda belgilab berilmagan, biroq qonunda
boshqarma vakolatlari jamiyat nizomi tomonidan belgilanishi ko‘rsatilgan.
Korporativ xulq - atvor kodeksi boshqarma vakolatlari doirasiga quyidagilarni
kiritishni tavsiya etadi: faoliyatning ustuvor yo‘nalishlari va moliya - xo‘jalik
rejasini ishlab chiqishni tashkil qilish, jamiyatning ijroiya organlari vakolatlariga
kiritilgan ichki hujjatlarini tasdiqlash.

Qonunda jamiyatning ijroiya organlari majburiyatlari yo‘q, lekin unda bosh

direktor va boshqarma a’zolarining huquq va majburiyatlari jamiyat bilan ularning
har biri tuzgan shartnomaga ko‘ra belgilanishi ko‘rsatilgan. Kodeksda ijroiya
organlari har oy direktorlari Kengashi oldida o‘z faoliyati haqida hisobot berishi
tavsiya etilgan.

Kompaniya Kodekslari nima uchun kerak?

- korxonaning e’lon qilingan qadriyatlari – maqsadlari va vazifalari bilan
kompaniya faoliyatini tartibga soladigan qoidalar orasida ko‘prik vazifasini
bajaradi;

- tashkilotning maqsadlari va tasavvurlariga aniqlik kiritadi, qoidalar bilan

konsteptual bog‘lanishni ta’minlaydi;

- barcha xodimlar uchun muhim qo‘llanma va madaniyat institutini

rivojlantirishda ilhombaxsh kuchdir;

- o‘rnatilgan qadriyatlar va andozalarni tushuntirishda muhim vosita;

- tadbirkorlik mas’uliyatini oshirish va korporativ rahbariyatni yaxshilashda
samarali vosita.