Sport menejmenti va iqtisodiyot

15-mavzu: Nazorat qiluvchi organlarning korporativ boshqaruv tizimidagi faoliyati (audit)

Reja:

1.Taftish komissiyasi faoliyati va uning huquq va majburiyatlari

2. Tashqi auditorlik faoliyati va uning huquq va majburiyatlari

3. Korxonalardagi ichki audit xizmati tashkil etish xususiyatlari
Taftish komissiyasi faoliyati va uning huquq va majburiyatlari

Taftish komissiyasi korxonalarning moliya-xo‘jalik faoliyatini nazorat qiladi.

Taftish komissiyasi a‘zolariga doir malaka talablari aksiyadorlarning umumiy yig‘ilishi tomonidan belgilanadi.

Taftish komissiyasi o‘z faoliyatida O‘zbekiston Respublikasi qonun hujjatlariga, AJ ustaviga, Nizomga va aksiyadorlar umumiy yig‘ilishi tomonidan qabul qilinadigan hamda taftish komissiyasi va uning a‘zolari faoliyatiga taalluqli bo‘lgan O‘zRVBning boshqa ichki me‘yoriy hujjatlariga amal qiladi.

Taftish komissiyasi aksiyadorlar umumiy yig‘ilishi tomonidan bir yil muddatga saylanadi. Ovoz berish taftish komissiyasi a‘zoligiga har bir nomzod bo‘yicha alohida o‘tkaziladi. Aniq shaxsni taftish komissiyasi tarkibiga kiritish to‘g‘risidagi qaror AJning ovoz beruvchi aksiyalari egalari bo‘lgan, yig‘ilishda ishtirok etayotgan aksiyadorlarning oddiy ko‘pchilik ovozi bilan qabul qilinadi.

Taftish komissiyasi aksiyadorlarning navbatdan tashqari umumiy yig‘ilishini chaqirishni talab qilishga haqlidir.