Sport menejmenti va iqtisodiyot

Taftish komissiyasining huquq va majburiyatlari

Taftish komissiyasi o‘z funksiyalarini tegishlicha bajarish maqsadida quyidagi huquqlarga egadir:

 AJ ijroiya organidan komissiya ishi uchun zarur bo‘lgan barcha materiallar va i olish;

 AJning moliyaviy-xo‘jalik faoliyatida aniqlangan xatolarni hal qilish AJ boshqaruv organlarining vakolatiga kirgan hollarda, vakolatli shaxslardan Kuzatuv kengashi, navbatdan tashqari aksiyadorlarning navbatdan tashqari umumiy yig‘ilishlarini chaqirishni talab qilish;

 AJ xodimlaridan, shu jumladan istalgan mansabdor shaxslaridan, taftish komissiyasi vakolatiga taalluqli masalalar bo‘yicha tushuntirishlar olish;

 qonunchilik hujjatlari va AJning ichki me‘yoriy hujjatlari talablarini buzgan AJ xodimlarining javobgarligi to‘g‘risidagi masalani AJ boshqaruv organlari muhokamasiga qo‘yish. Taftish komissiyasi a‘zolari maslahat ovozi berish huquqi bilan Kuzatuv kengashi majlislarida ishtirok etishi mumkin. Tekshirishlarni o‘tkazish paytida taftish komissiyasi a‘zolari tekshiruv bobiga taalluqli bo‘lgan barcha materiallar va hujjatlarni sinchiklab tekshirishga majburdirlar. Noto‘g‘ri xulosalar uchun taftish komissiyasi a‘zolari aksiyadorlar umumiy yig‘ilishi tomonidan belgilanadigan mezonlarda javobgar bo‘ladilar.

Taftish komissiyasi a‘zolari komissiya qaroriga rozi bo‘lmaganlarida majlis bayonnomasida alohida fikrlarini qayd ettirishga va ularni O‘zRVB boshqaruv organlari e‘tiboriga etkazishga haqlidirlar.

AJning moliya-xo‘jalik faoliyatini tekshirish yakunlariga ko‘ra taftish komissiyasi xulosa tuzadi, bu xulosada:

 AJning hisobotlarida va boshqa moliyaviy hujjatlarida ko‘rsatilgan ma‘lumotlarning ishonchliligiga doir baho;

 buxgalteriya hisobini yuritish va moliyaviy hisobotni taqdim etish tartibi buzilganligi, shuningdek moliya-xo‘jalik faoliyati amalga oshirilayotganda qonun hujjatlari buzilganligi faktlari to‘g‘risidagi axborot ko‘rsatilishi shart.

 Ushbu xulosa aksiyadorlarning yillik umumiy yig‘ilishida eshitiladi. Taftish komissiyasi AJda affillangan shaxslar bilan tuzilgan bitimlar yoki yirik bitimlar mavjudligi, shuningdek qonun hujjatlarining va O‘zRVB ichki hujjatlarining bunday bitimlarni tuzishga doir talablariga rioya qilinishi to‘g‘risidagi xulosani har chorakda Kuzatuv kengashining majlisiga olib chiqadi.