Sport mahoratini oshirish

Maromiga yetgan malakalarni barqarorlashtirish va takomillashtirish uslubiyati
O`yin texnikasini – texnik mahoratni takomillashtirish trenirovka nagruzkasini, sezilarli darajada ortishi bilan bog`liq. CHunki o`yin malakalarini doirasi ularning turlari, usullari, bajarilish tezligi, murakkabligi hisobiga kengayib boradi. Masalan, faqatgina maydonchani har xil zonalaridan turli usullarda va qayta-qayta zarba berish voleybolchidan katta jismoniy tayyorgarlikni talab qiladi.

Mazkur bosqichda o`yin malakalarini o`zgaruvchan vaziyatlarda; tashqi va ichki ta’sirlar sharoitida bajarishni mashq qilish, sportchi organizmini nagruzkaga bardosh berish imkoniyatini oshirish kerak bo`ladi. Buning uchun mashg`ulotlarda beriladigan texnika va taktikaga oid mashqlarni charchash holatida, ruhiyatga ta’sir etuvchi (shovqin, issiqlik) vaziyatlarda qayta-qayta qo`llash zarurdir.

Sport tayyorgarligini har xil davr va bosqichlarida trenirovkani barcha usullari o`ziga xos ustunlikda qo`llaniladi va dam olish – trenirovka me’yorlash tizimini boshqarishga qaratiladi. Bular jumlasiga uzluksiz me’yorlashni oshirish, «bekatma-bekat» aylanma, qaytarma-o`zgaruvchan, «dam-ba dam» (interval), «qo`shma» uslublar kiradi.

Yuqorida tafsili berilgan o`rgatish va trenirovka uslublari, vositalari texnik tayyorgarlik jarayonida quyidagi o`yin malakalarini o`zlashtirishda va takomillashtirishda qo`llaniladi:

• 
  Harakatlanish texnikasi;
  
• 
  To`pni o`yinga kiritish, uni turlari va usullari;
  
• 
  To`p uzatish, uni turlari va usullari;
  
• 
  To`pni qabul qilish, uni turlari va usullari;
  
• 
  Zarba berish, uni turlari va usullari;
  
• 
  To`siq qo`yish, uni turlari va usullari;
  
• 
  Ikki yoqlama o`yin (o`yin trenirovkasi).
  

“SPORT MAHORATINI OSHIRISH”