Список научных трудов и изобретений старшего научного сотрудника лаборатории фосфорных удобрений ионх ан руз реймова а

Birinchi yordam ko’rsatish choralari.

1. 
   Agar teriga (qo’l, bet, va boshqa joylarga) kontsentrlangan kislota (nitrat, sulьfat, xlorid va sirka kislota) sachracha, darhol o’sha jarohatlangan tana qismi kuchli suv oqimi bilan 3-4 minut davomida yuviladi, so’ngra shikastlangan joyga kaliy permanganatning 3% li eritmasi shimdirilgan paxta qo’yiladi. Agar kuchli shikastlanish xolatlari ro’y bersa, bemor tezda shifokorga murojat qilishi lozim.
   
2. 
   Agar teriga ishqor to’kilgan bo’lsa, o’sha joy aval suv bilan (teri silliqligini yo’qotguncha) yuvilishi kerak. So’ngra zararlangan joyga kaliy permanganatning 3% li eritmasi shimdirilgan paxta qo’yib bog’lanishi lozim.
   
3. 
   Agar ko’zga kislota yoki ishqor sachrasa , ko’zni yaxshilab suv bilan yuvish, so’ngra tezda shifokorga murojat qilish kerak.
   
4. 
   Agar terini issiq narsalar (masalan issiq shisha yoki issiq metall) tegib kuydirsa, shu joy kaliy permanganatning 3% li eritmasi bilan yuvilib, unga maxsus surtma moy surtish kerak.
   
5. 
   Fosfor ta’sirida kuygan joyga mis (II) sulьfatning 2% li eritmasi shimdirilgan paxta qo’yib bog’lanishi kerak.
   
6. 
   Xlor, brom, vodorod sulьfid, uglerod (II)oksidi va boshqa kimyoviy birikmalar bilan zaharlanganda tezda ochiq havoga chiqish, shifokorga murojaat qilish kerak.
   

Laboratoriya jurnalini yuritish tartibi.

Har bir talabaning laboratoriyadagi faoliyatini aks ettiruvchi xujjat uning laboratoriya jarnalidir. Demak laboratoriyada ishlayotgan har qaysi talaba o’z kuzatishlarini, o’tkazgan tajribalarini, ular haqidagi mulohaza va xulosalarni shu daftarga batafsil yozib borishi lozim. Laboratoriya jurnali muqovasiga talabaning ismi familiyasi, guruh raqami va «Fizik kimyodan amaliy ish» so’zi yoziladi. Laboratoriya jurnali sifatida katak chiziqli katta umumiy daftardan foydalanish maqsadga muvofiqdir. Ozoda, batartib va puxta yozib borilgan laboratoriya jurnali talabaga joriy nazorat topshirishida katta yordam beradi.