Созлаш ишларини бажаришда хавфсизлик коидалари кучланиш остида ишлаш

Мегаомметр ва электр ўлчов асбоблари билан бажариладиган ишлар
Изоляция қаршилигини мегаомметр билан ўлчашни ўчирилган ток ўтказувчи қисмлардаги электр заряди олдин ерга улаш орқали олингандан кейингина бажарилиши керак. Ток ўтказувчи қисмдаги ерга улагич фақат мегаомметр улангандан сўнггина олиниши зарур.
Мегаомметр билан изоляция қаршилигини ўлчашда мегаомметрдан чиққан симни ток ўтказувчи қисмга изоляцияланган қисқич (штанга) ёрдамида улаш керак. Кучланиши 1000 Вольтдан юқори электр ускуналарида бундан ташқари диэлектрик қўлқопдан фойдаланиш зарур.
Мегаомметр билан иш бажариш жараёнида мегаомметрга уланган ток ўтказувчи қисмларга тегиш ман этилади. Иш тамом бўлгандан сўнг ток ўтказувчи қисмлардаги қолдиқ заряд уларни қисқа вақт ерга улаш билан олиниши зарур.
Мегаомметр билан изоляция қаршилигини ўлчашни III группага эга бўлган ходим бажариши мумкин.
Агар изоляция қаршилигини ўлчаш, ушбу электр ускунасида бажарилаётган иш ҳажмига кирса, наряд ёки фармойишда бу иш тўғрисида эслатиш талаб қилинмайди.
Асбобни улаш ва ажратиш 1000 Вольтгача кучланиш остида бўлган электр занжирини узишни талаб қилса, бу ишларни ушбу тармоқдан кучланиш олингандан кейингина бажариш керақ Асбобни улаш ва ажратиш электр занжирини узишни талаб қилмаса, бу ишларни электр ҳимоя воситаларини қўллаб кучланиш остида бажариш мумкин.
Мабодо, 1000 Вольтгача кучланиш остида бўлган электр ускуналарининг электр параметрларини ўлчаш талаб қилинса, у ҳолда кўчма ўлчов асбобини металл ғилофи ерга уланиши ва изоляцион тутқичли уловчи сим ёки махсус шчупдан фойдаланиш лозим.

НАЗОРАТ САВОЛЛАРИ:

1.,Синаш ўтказиш ишларига ижозат кимга берилади?
2.Синаш ишларини бажарувчи бригада таркибида нечта аъзодан иборат?
3.1000 В кучланишдан юқори электр ускуналарида ҳимоя воситалари ва бошқа буюмларда оммавий бирданига синашдан ўтказиш ишларини ким томонидан ва қандай амалга оширилади?
4. Ким томонидан иш жойига тўсиқ ўрнатилади?
5.Ишбоши томонидан синалаётган ускунага синаш ускунасидан кучланиш беришдан олдин қандай тадбирларни бажариши шарт?