Соянинг аҳамияти

2.4. Хосилни йигиб олиш ва нобудгарчиликка қарши кўрашиш
Етиштирилган хосилни ўз вақтида нобудгарчиликсиз йиғиб-териб олиш ҳам муҳим агротехник тадбирлардан биридир. Аввалги даврида ҳам бугунги кунда хам сояни асосан СК-5м "Нива", Дон-1500, Енисей-1200 ва Кейс ғалла комбайинларида тўғридан-тўғри ўриб, янчиш йўли билан амалга оширилади.
Соя донини йиғиштираётганда 12-20 фоиз дон нобуд бўлмоқда. Бунинг асосий сабаби соя дуккакларининг (меваларининг) ер юзасига яқин жойлашишидир.
Маълумки, соя дуккакларининг 6-12 фоизи тупроқ юзасидан 5-15 сантимерт юқорида жойлашади, комбайнлар эса бугдой ва бошқа дон экинларни 14-16 см баландликда ўришга мослашган. Бу холда ўсимликнинг пастки қисмида жойлашган дуккаклар ўрилмасдан қолиб кетиши табиийдир. Сояни ўраётган пайтда комбайнларнинг юриш тезлиги соатига 3,5-4 километрдан ошмаслиги керак.
Мадомики, бу тезлик соатига 7 км га оширилар экин у пайтда доннинг нобуд бўлиши 1,5 марта кўпаяди(Ёрматова,1983).
Дон комбайнларида соя йиғиштирилиб олинаётганда нобудгарчиликни камайтириш учун қуйидаги ишларни амалга оширишни тавсия этилади. Бунинг учун жаткаларни энг пастга тушириб, мотовила планкасига эни 100-150 мм бўлган резина қайишлар тақилади. Бунда комбайнлар жуда секин харакатланиши лозим. Доннинг мадаланиб кетишини камайтириш учун янчиш аппаратида барабанларнинг айланиши минутига 450-500 мартадан ошмаслиги керак. Янчиш аппаратининг кириш оралиғи 40 миллиметр, чиқиш оралиғи эса 28 сантиметр қилиб тўғриланиши зарур.


ЗАРАРКУНАНДА, КАСАЛЛИК ВА БЕГОНА ЎТЛАРГА ҚАРШИ
КОМПЛЕКС КЎРАШ ЧОРА ТАДБИРЛАРИ
1-жадвал

Муддати	Чоралар	Дорилар ва уларни қўллаш миқдори
Екиш олдидан	Уруғли донни дорилаш фузариоз, аскахитоз, бактериоз тарқалишининг олдини олиш. Касаллик ва хашоратларга қарши курашиш ва олдини олиш учун	Фундазол 3 кг/т Деразол 2-2,5 кг/т Фентурам 4 кг/т ТМТД 4-6 кг/т
Екиш куни	Бактериозга қарши	Фитобактериомитсин 3 кг/т
Екиш олдидан	Бегона ўтлардан курмак турлари ва бошқаларга қарши	Нитрат 3,3-6,2 кг/га Трифлан 4,5 кг/га Прометрин 3-4 кг/га Фуроре 0,8-1,2 л/га Фюзелад 2-4 л/га
Екиш билан биргаликда	Бегона ўтларга қарши курашида, лента усулда	Нитрат 3-4 л/га Трифлан 3-4 л/га
Ўсимлик тўла униб чиққандан	Хашоратларга қарши кураш учун	Хлорофоз 1 л/га Карбафос 0,6- 1,0 л/га Фосфамид 1 /га 0,5-1 л/га
Ўсув даврида	Касалликрардан фузариоз бактериоз, аскахитоз ва бошқаларга қарши курашиш мақсадида фунгитсидларни қўллаш, хашоратлардан ўргамчаккана, шира, сикадаларга қарши курашда инсектитсидларни қўллаш. Кенг баригли ўтлардан шўра, канатник ва бошқаларга қарши	Малфоз 0,6-1л/га Базарган 3-4 л/га Карбафос 0,5-1 кг/га Детсис 0,5-0,6 л/га Маврин 25 % 0,5 л/га