"Sovchilik" intermediasi

Keys-2
“Sovchilik” intermediasi.
Stol bezatilgan , dasturxon kamchiliklarini ikki ovsin to‘ldirib sovchilarni kutishyapdi.
Salimaxon : Menga qarang ovsinjon sovchilar kelganda yana professorligingizni qilmay turasizda ?!
Madina : Xo‘p, mayli uyog‘ini o‘zim qotiraman (sovchilar kirib keladi)
Sovchilar : Yaxshimisizlar , sog‘-omon yuribsizmi o‘rgilay ?
Madina : Shu kunlarda tezligim pasayib , quvvat degani kamayib ketayapdi.
Sovchilar : Mayli , yaxshi bo‘lib ketasiz.
Madina : Qani choydan ichinglar , piyoladagi suyuqlik o‘z issiqlik energiyasini yo‘qotmasin.
Sovchilar : Xo‘p , raxmat sovisa ichamiz.
Madina : Ayni mana shu paytda yaxshigina diffuziya yuz berayapdi, diffuziya .
Sovchilar : Dif- dif Dilfuza ?
Madina: Xaaa qizim Dilfuzami , rentgin nurlari bo‘yicha mutaxasis ?
Sovchilar: Doktormi?
Madina: Xa , xa olmalardan olinglar (shunda olmalardan biri yumalab tushib ketadi) Ko‘chish –ko‘chish yuz berdi .
Sovchilar: Qanaqa ko‘chish yumalab ketdiku ?
Madina: Hech qanday yumalash fizikada yo‘q !
Sovchilar: Mayli, mayli asabiylashmang .
Madina : hech qanaqa asabiylashganim yo‘q, shunchaki manfiy elektronlarim bir yerga yig‘ilib ketdi .
Sovchilar: Yaxshi bo‘lib qolarsiz, qizingizni ko‘rsak degan edik.
Madina: Xo‘p qizim, Dilfuzaaaa choyni almashtirib kel? (Dilfuza salomlashib choyni almashtirib chiqib ketadi)
Sovchilar: Chiroyli, istarasi issiqqina qiz ekan.
Madina: Nega issiq deysiz, harorati joyida har kuni termometrda o‘lchayman.
Sovchilar: Mayli, mayli endi ikki yoshni kunduzi yorug‘da uchrashtiraylik, nima deysiz ?
Madina: yorug‘lik qanaqa , o‘zi yorug‘lik ikki xil bo‘ladi : tabiiy va sun’iy. Inson tomonidan paydo bo‘lgan kvant zarralari bilan …..
Sovchilar: Mayli, mayli tushundik. Biz endi keta qolaylik, bizga bir fotixa qilsangiz.
Madina: Ey ketasizlarmi ?! Demak jismga bir narsa tasir qilgan, ha mayli bo‘lmasa ovmin
Qadam yetdi tezlik ketmasin.
To‘y bo‘lsunu quvvat ketmasin .
Ikki yoshni bo‘lsin baxti .
Zoyi ketmasin bir sekund vaqti.
Tayyor tursin doim oshi
Ortaversin mexanik ishi.
Yirtilmasin kovishingiz.
Pasaymasin tovushingiz.
Yong‘oqlarning puchi bo‘lmasin .
Yorug‘likning kuchi o‘lmasin.
Miyamizda ko‘pdir g‘oya
Ortimizda yurar soya.
Kulibtursin ikki betimiz.
O’chib qolmasin svetimiz
Dengizda bo‘lar akula
Hayotimizda doim molekula
Dorilar bor aptekada
Yorug‘lik bo‘limi optikada
Xullas yurtda bo‘lsin tinchlik
Yo‘qolmasin doimo zichlik.

1. 
   Yuqorida berilgan keysda qanday fizik terminlar aks etgan?
   
2. 
   Bu intermediyali holatni qaysi ta’lim muassasasiga qullagan maqul?
   
3. 
   Berilgan fizik termenlarni bo’limlarga ajrating?
   
4. 
   Intermediyani davom ettiring?