Sotsial geografiya jumaxanov Sh., Toshpo’latov A

2. Boshlang’ich ta’lim
. 1– 4-sinflarni o’z ichiga oladi va bunda o’qish olti-
yetti yoshdan boshlanadi. Ayrim hududlarda alohida boshlang’ich sinflar uchun 
mo’njallangan maktablar ham bo’lib, 2018/2019-o’quv yili boshida ularning soni 
37 tani tashkil etgan. 
3. Umumiy o’rta ta’lim
. Bunda o’quvchilarga 5 –11-sinflar doirasida bilim va 
tarbiya beriladi.2017/2018-o’quv yilidan boshlab, 11 yillik majburiy umumiy o’rta 
ta’lim tizimiga o’tilishi jamoatchilik tomonidan keng qo’llab-quvvatlandi. 
Ilg’or xorijiy mamlakatlar tajribasi asosida umumiy o’rta, o’rta maxsus, 
kasb-hunar ta’limi tizimini tubdan takomillashtirish, malakali kadrlar tayyorlash 
uchun shart-sharoitlar yaratish, kasb-hunar kollejlari bitiruvchilari bandligini 
ta’minlash, shuningdek, 2017 — 2021-yillarda O’zbekiston Respublikasini 
rivojlantirishning beshta ustuvor yo’nalishi bo’yicha Harakatlar strategiyasini 
amalga oshirish maqsadida: 
2018/2019-o’quv yilidan boshlab majburiy umumiy o’rta va o’rta 
maxsus ta’lim umumta’lim maktablarida, shu jumladan, ixtisoslashtirilgan 
maktablarda, ixtisoslashtirilgan san’at va madaniyat maktab-internatlarida, 
ixtisoslashtirilgan olimpia zaxiralari maktab-internatlarida hamda akademik 
litseylarda uzluksiz va 11 yillik muddatda amalga oshirila boshlandi; 
2019/2020-o’quv yilidan boshlab kasb-hunar kollejlariga o’qishga 
qabul qilish umumta’lim maktablarining 11-sinflari bitiruvchilari hisobidan, 

---

SOTSIAL VA MADANIY GEOGRAFIYA
 Darslik
 
 
64 
ixtiyoriylik asosida, tegishli mutaxassislikka (kasbga) ega bo’lish uchun 6 oydan 2 
yilgacha bo’lgan o’qitish muddatlarida amalga oshiriladi; 
kasb-hunar kollejlariga 2017/2018-o’quv yiliga qadar (ushbu o’quv 
yili qo’shilgan holda) o’qishga qabul qilingan o’quvchilar o’qishni o’zlari ta’lim 
olayotgan kasb-hunar kollejlarida amaldagi o’quv dasturlari asosida belgilangan 
tartibda tugatadilar.
Ko’plab kasb-hunar kollejlari va akademik litsey binolari maktablarga 
aylantirilib, maktablarning “sig’imi” ham kattalashib bormoqda. M., 2018/2019-
o’quv yili davomida mavjud maktablarning soni 9774 tani tashkil etdi (22-rasm). 
Ta’lim geografiyasida maktablar to’rining hududiy joylashuvi masalasi o’ta 
muhim hisoblanadi. Chunki hududlar bo’yicha maktablar sonining ko’p yoki ozligi 
kelajakda yetishib chiqadigan kadrlar miqdorini ifodalaydi. 
Shu o’rinda alohida takidlash lozimki, hududlardagi maktablar to’rining 
joylashuvida ularning soni bilan birga, quvvati (o’rinlar soni, zamonaviyligi, texnik 
ta’minoti, katta-kichikligi) ham muhim ahamiyat kasb etadi. Umumiy o’rta ta’lim 
maktablarida ta’lim oluvchilar soni Farg’ona, Samarqand, Qashqadaryo viloyatlar 
ichida nisbatan yuqori bo’lsa, Sirdaryo, Xorazm, Jizzax hamda Buxoro 
22-rasm.
O’zbekistonda umumta’lim maktablari sonining o’zgarish dinamikasi

---