Sotsial geografiya jumaxanov Sh., Toshpo’latov A

SOTSIAL VA MADANIY GEOGRAFIYA
 Darslik
 
 
231 
Las-Vegas – bu umume’tirof etilgan xordiq sanoatining lideri sanaladi. 
Shaharda 50 ta kazino bo’lib, ularning ko’pi otel hududlarida joylashgan. Ushbu 
otellardagi apartamentlar o’lchami va qulayligi jihatidan eng katta va yaxshisidir. 
Bunda mini-basseynlar, bir nechta yirik teleekranlar, 2 va undan ortiq xonalar, xol 
va yotoqxonalar, oshxona hamda barlar mavjud. Bunday apartamentlar binoning 
aloxida ajratilgan tomonida joylashtirilgan va xususiy ya’ni atab qo’yilgan joy 
(bron qilish) xizmatiga ham ega. 
Ko’pgina kazinoli otel nomerlari badavlat mijozlar uchun maxsus saqlanadi, 
ularning narxi 1 000 dollardan 25 000 dollargachadir. Ba’zan kazinoga 
keladiganlar u yerda eng qimmat nomerdan ham oshiqroq mablag’ni tashlab 
ketadilar. Shuning uchun bunday mehmonxona hodimlarining eng asosiy vazifasi 
avvalo mijozning talab va istaklarini 
qondirishdan iborat.
Hozirda 
jahon 
bo’yicha 
mehmonxona o’rinlarning soni 17.5 
milliondan ortib ketgan. Ularning 37.8 
foizi Yevropada, 35 foizi Amerikada, 22.2 
foizi Osiyo va Okeaniyada, 2.8 foizi 
Afrikada va 2.2 foizi O’rta Sharq 
mintaqasida joylashgan. Tahlillarga ko’ra, turistlarni eng qiziqtiradigan okeanorti 
shahri Nyu-York bo’lsa, Yevropada bu borada Parij ancha mashxur (83-rasm).
Dunyo mamlakatlari bo’yicha tahlil qilinadigan bo’lsa, mehmonxonalarning 
aksariyati AQSh, Yaponiya, Italiya, Germaniya, Xitoy, Fransiya, Meksika, 
Kanada, Tailand, Gretsiya, Avstriya, Indoneziya, Avstraliya, Rossiya, Turkiya va 
Argentina mamlakatlarida joylashgan. Qolgan mamlakatlarning birortasining 
egalik qilayotgan o’rinlarining soni dunyo bo’yicha umumiy ko’rsatkichning 1 
foizga yetmaydi.
Ko’pchilik mamlakatlarga turistlar ko’p tashrif buyuradi, lekin mehmonxona 
xizmatidan foydalanmay tabiat qo’ynida dam oladi. M., Qirg’izistondagi kabi.