Sotisal psixologik trening guruhiy psixokorreksiya sifatida

Муаммонинг ўрганилганлик даражаси. Кейинги 15-20 йил ичида психологик тренинг психологик амалиётнинг энг кенг тарқалган шаклларидан бири бўлиб келди. Тренингнинг ғоявий асоси сифатида турли-туман ёндашувлар, назария ва тамойилларнинг барча жиҳатларини кўздан кечириш мақсадга мувофиқ бўлар эди. Туганмас заҳиралар кўламини ўрганар экан, Ю.М.Жуков биринчи навбатда, бихевиоризмни Б.Скиннернинг оперант таълимотидан бошлаб, то А.Бандуранинг ижтимоий ўрганиш назариясигача кўриб чиқишни тавсия этади. Албатта, К.Роджерс ва А.Маслоуларнинг гуманистик психологияга қўшган ҳиссаларини эслатиб ўтиш даркор. В.Шутс, В.Беннинс, Г.Шеппард психоаналитик йўналишга, Ф.Перлз гештальтерапияга, Ж.Морено гуруҳлараро динамика мактабини яратишга, Ж.Дьюи педагогик қарашларга, М.Ноулз андрогогик манифестга, А.Лурия нутқ шаклланишига, А.Реан ўсмир психологиясига, Ж.Пиаже ҳамда Л.С.Виготскийлар таълим олиш ва ривожланиш психологиясигасезиларли ҳиссақўшганлар. Шунингдек, бу ерда П.Я.Галпериннинг “шаклланиб борувчи ҳаракат тамойили” ни эслаб ўтиш жуда муҳимдир².
Тадқиқотнинг объекти. Бухоро шаҳридаги 1-сон академик лицей талабалари
Тадқиқотнинг предмети. Тренинг гуруҳларида социал тренинг орқали ижтимоий муносабатлар динамикасини такомиллашиш механизмлари, омиллари.
Тадқиқотнинг мақсади: Талабаларда мавжуд гуруҳий муаммоларни социал-психологик тренинг орқали психокоррекциялашнинг ўрни аҳамиятини таҳлил қилиш ва исботлаш.
Тадқиқотнинг методлари. Тадқиқот мақсадига эришиш ва олдига қўйган вазифаларини ҳал қилиш учун қуйидаги методлардан фойдаланилди:

1. 
   Тренинг самарадорлигини ўлчайдиган махсус тайёрланган сўровнома;
   
2. 
   Гуруҳда хулқ- атвор мотивациясини ўрганиш сўровномаси;
   
3. 
   Айзенкнинг “Шахс характер хусусиятларининг экспресс-диагностикаси”.
   
4. 
   Олинган маълумотларни математик-статистик қайта ишлаш методлари, яъни, эмпирик маълумотларнинг ишончлилик ва валидлик даражасини аниқлаш, миқдорий маълумотларни статистик таҳлил асосида таҳлил қилинди.