So’nmas yulduzlar

So’nmas yulduzlar

O’zbek adabiyoti ravnaqiga salmoqli hissa qo’shgan buyuk iste’dod sohiblari Alisher Navoiy va Zahiriddin Muhammad Bobur o’z ijodi bilan jahon adabiyotining taniqli vakillari qatoridan munosib o’rin egalladi. Shuning uchun ham bugungi kunda yosh avlodning har tomonlama komil inson bo’lib yetishishida bu buyuk mutafakkirlarning o’rni alohida ajralib turadi. Chimboy tumanidagi 36-sonli ixtisoslashtirilgan davlat umumta’lim maktabida mana shu ijodkorlarning tavallud kunlari munosabati bilan “Barhayot siymolar” nomli ma’naviy-ma’rifiy kecha o’tkazildi. Tadbirni maktab direktori Davletyor Eshimbetov o’z nutqi bilan ochib berdi. So’ngra maktabning ma’naviy-ma’rifiy ishlar bo’yicha direktor muovini K. Mambetkarimova, o’zbek tili o’qituvchilari U.Kojamuratova, H.Sadikova va Yoshlar ittifoqi maktab yetakchisi A.Yusupovlar ikki buyuk alloma hayoti va ijodi haqida o’z fikrlarini bildirishdi. Ular Navoiy va Bobur merosining olamshumul ahamiyati, komil shaxs tarbiyasidagi o’rni haqida aytib o’tishdi. Tadbirda shoirlarimizning bir olam ma’noga ega ruboiy va g’azallaridan namunalar o’qildi. Sahna ko’rinishlari namoyish etildi. Nafaqat o’zbek adabiyoti balki, jahon adabiyoti rivojiga katta hissa qo’shgan ulug’ ajdodlarimizning tavallud kunlarini belgilash va bu ikki shoir ijodidagi insoniylik, Vatanparvarlik, osoyishtalik g’oyalarini yosh avlod onggiga singdirib borish jamiyat oldidagi asosiy vazifamiz hisoblanadi.

Chimboy tumani 36-sonli IDUMning

o’zbek tili fani o’qituvchisi Kosimbetova Kamila