Сонли шартнома

3. Тўлов шакли ва ҳисоб-китоб тартиби
3.1. “Тарафлар” ўртасида ҳисоб-китоблар пул ўтказиш йўли билан амалга оширилади.
3.2. Ушбу шартнома бўйича мулкни электрон савдога қўйиш юзасидан “Оператор” хизматлари баҳоси ҳар бир савдо учун амалдаги энг кам ойлик иш ҳақининг бир баравари миқдорида этиб белгиланади.
Мазкур хизматлари баҳоси учун белгиланган тўловни “Оператор”нинг ҳисобварағига амалга оширгандан сўнг, “Буюртмачи”нинг буюртмаси электрон савдоларига чиқариш учун ушбу шартноманинг 2.4-банди асосида буюртма бериш имконияти берилади.
3.3. “Оператор” хизматлари учун тўлов “Буюртмачи”нинг шахсий кабинети орқали лот қўйиш бўйича буюртма бериш вақтида амалга оширилади.
3.3. “Буюртмачи” томонидан электрон савдо майдончасидаги савдоларда сотилган мулк учун тўлов шаклида тушган пул маблағлари “Оператор” ҳисоб рақамига ўтказилади. “Оператор” томонидан мазкур ўтказилган пул маблағлари ҳисобидан электрон савдо майдончасидаги савдолар якунида мулк сотилиш баҳосининг ___% фоизи миқдорида воситачилик ҳақи ушлаб қолинади.
Ушбу банднинг иккинчи хатбошисида кўрсатилган пул маблағларининг воситачилик ҳақи ундирилганидан кейин қолган қисми бир банк иш кунида “Буюртмачи”нинг буюртмасида кўрсатилган банк ҳисоб-рақами (ўзининг номидаги банк пластик картаси)га ўтказиб берилади.
3.4. “Тарафлар” ўртасида ўзаро ҳисоб-китоб қилиш учун асос бўлиб, “Буюртмачи” томонидан берилган электрон савдолар ўтказиш учун электрон шаклдаги буюртма ҳисобланади.
3.6. “Буюртмачи”ни электрон савдо майдончасида рўйхатга олиш (аккредитация) тўлов ундирилмаган ҳолда (текинга) амалга оширилади.
4. Шартноманинг амал қилиш муддати
4.1. Ушбу шартнома “Тарафлар” томонидан имзоланган вақтдан бошлаб кучга киради, 2018 йил 31 декабрга қадар амал қилади.
5. Тарафларнинг мулкий жавобгарлиги
5.1. “Тарафлар” Низом ва мазкур шартнома шартларига риоя қилиш мажбуриятини оладилар.
5.2. “Оператор” ўзига боғлиқ бўлмаган ҳолда электрон майдондан фойдаланишда юзага келган салбий оқибатлар. Хусусан, “Буюртмачи”нинг компьютер техникалари ишдан чиққанлиги ёки ундаги камчиликлар, “Буюртмачи” томонидан интернет тармоғига нобарқарор уланиш ва ундаги узилишлар, “Буюртмачи” интернет провайдерининг интернет тармоғига уланишдаги чекланишлари, зарар келтирувчи компьютер вируси дастурлари, “Буюртмачи”нинг компьютер техникалари ишлашидаги айрим носозликлар ва бошқа сабаблар туфайли жавобгарликни ўз зиммасига олмайди, шунингдек учинчи шахслар олдида ҳам.
5.3. “Оператор” “Буюртмачи” томонидан савдога қўйилган мол-мулкнинг савдолар ўтказилгунга қадар ва ўтказилганидан сўнг бўлган ҳар қандай нуқсони учун жавобгарликни зиммасига олмайди. Реализация қилинган мол-мулкка нисбатан бўлган ҳар қандай эътирозлар ва камчиликлар бевосита “Буюртмачи”нинг ўзига билдирилади ва “Оператор” аралашувисиз ҳал этилади, шунингдек “Буюртмачи” “Оператор”га етказилган барча зарарни тўлаб беришни ўз зиммасига олади.
5.4. Электрон савдо майдонидан фойдаланишда ахборот хавфсизлигини таъминлаш (хусусан, зарар келтирувчи компьютер вируси дастурларига қарши кураш)да “Буюртмачи” жавобгарликни ўз зиммасига олади. Электрон майдондан фойдаланишда дастурий таъминот “Буюртмачи”нинг айби билан ишдан чиққан ҳолларда етказилган барча зарарни “Оператор”га тўлиқ қоплаш мажбуриятини олади.
5.5. Мазкур шартномада кўзда тутилмаган ҳолатларда “Тарафлар”нинг мулкий жавобгарлиги Ўзбекистон Республикаси Фуқаролик кодекси, “Хўжалик юритувчи субъектлар фаолиятининг шартномавий-ҳуқуқий базаси тўғрисида”ги Қонуни, Низом ва бошқа қонун ҳужжатлариига асосан тартибга солинади.