Сонли ипотека кредитларини комплекс суғурталаш намунавий шартномаси

10. БОШҚА ШАРТЛАР
10.1. Суғурта шартномасини бекор қилиш Суғурталовчи, Наф олувчи ёки Суғурта қилдирувчи томонидан кредит олинмаганлиги сабабли муддатидан олдин бекор қилинса, Суғурта қилдирувчига ишлаб топилмаган Суғурта мукофоти Суғурта полиси муддати тугатилган кундан бошлаб жавобгарлик олиб борилмаган кунлар учун қайтариб берилади.
10.2. Суғурта қилдирувчи Наф олувчи олдидаги Ипотека шартномаси бўйича жавобгарлигини муддатидан олдин бекор қилса, у ҳолда Суғурта қилдирувчи Суғурталовчига Наф олувчининг ёзма равишдаги хатини тақдим қилади. Бу ҳолда Суғурта қилдирувчи Суғурта шартномасини охирги муддатигача қолдиришга ҳақли бўлади ёки Суғурта мукофоти қайтарилган тақдирда Суғурталовчи ишлатилган Суғурта мукофотини чегириб қолишга ҳақли бўлади.
Суғурта мукофотининг ишлатилмай қолган қисми қайтарилишида Суғурталовчи ўзининг ҳаражатларини чегириб қолади. Суғурталовчининг чегириб қолинадиган ҳаражатлари миқдори ишлатилмай қолган суғурта мукофотининг 25 фоизи даражасида белгиланади.
10.3. Суғурта шартномаси бўйича ҳуқуқ ва мажбуриятлар тарафларнинг ёзма розилигисиз учинчи шахсларга берилмайди.
10.4. Тарафлар Суғурта шартномаси бўйича форс-мажор холатида тўлиқ ёки қисман жавобгарлик олиб бормайдилар.
Форс-мажор ҳолати - уруш ва харбий ҳаракатлар (уруш эълон қилинганлиги ёки қилинмаганлигидан қатъий назар), ғалаён, инқилоб, қўзғолон, исён, фитна, иш ташлаш, ҳукуматни ноқонуний равишда эгаллаб олиш, террорчилик ҳаракатлари, мусодара қилиш, ҳукумат ёки унинг таркибий қисми бузиб ташланиши ёки унга зарар етиши ҳаракатлари, ядро нурланиш ёки радиоактив зарарланиши ёки нобуд бўлиши ва Суғурта шартномасида кўрсатилмаган табиий офатлар ҳисобланади.
10.5. Форс-мажор холати тугаганидан сўнг тарафлар ёзма равишда огоҳлантириладилар.
10.6. Суғурта шартномасида ёзилмаганларни тарафлар Ўзбекистон Республикасининг амалдаги қонунчилиги асосида ҳал қиладилар.
10.7. Суғурталанган Мол-мулкга тегишли бошқа Суғурта шартномаси ёки Суғурта полиси мавжуд бўлса ва Суғурта ҳодисаси рўй берганда, етган зарар миқдори учинчи шахслар томонидан Суғурта қилдирувчига ёки Наф олувчига тўлаб берилса, у холда Суғурталовчи Суғурта товонини ўз жавобгарлиги доирасидан ортиқ бўлган миқдорини тўлаб беришга мажбур эмас.