Сонли ипотека кредитларини комплекс суғурталаш намунавий шартномаси

7.2. Суғурта шартномаси қуйидаги холларда ўз кучини йўқотади:

1. 
   амал қилиш муддати тугаганда;
   
2. 
   Суғурталовчи Суғурта шартномасидаги мажбуриятларини тўлиқ бажарганида;
   
3. 
   Суғурта қилдирувчининг мажбуриятларини агар учинчи шахс қабул қилмаган бўлса Суғурта қилдирувчи (жисмоний шахс) вафот этганда;
   
4. 
   Суғурта қилдирувчи Суғурта мукофотини Суғурта шартномасида белгиланган муддатларда тўламаганда;
   
5. 
   Суғурталовчи томонидан Суғурта қилдирувчига Суғурта товони тўлиқ тўланганда;
   
6. 
   Ўзбекистон Республикаси қонунчилигида назарда тутилган бошқа ҳолларда.
   

7.3. Суғурта шартномасини бир тарафнинг талабига асосан бекор қилинганда бошқа тарафларни ёзма равишда хабардор қилади.
7.4. Суғурта шартномаси агар у кучга киргандан кейин Суғурта ходисаси юз бериш эҳтимоли йўқолган ва суғурта хавфининг мавжуд бўлиши Суғурта ходисасидан бошқа холатлар бўйича тугаган бўлса, тузилган муддати келишидан олдин бекор бўлади. Суғурталанган Мол-мулкнинг юз берган Суғурта ходисасидан бошқа сабабларга кўра нобуд бўлиши шундай ҳолатлар жумласига киради.
7.5. Агар суғурта шартномасидаги суғурта пулини ошириб юбориш суғурта қилдирувчи томонидан алдашнинг оқибати бўлса, суғурталовчи шартномани ҳақиқий эмас деб топишни ва ўзига етказилган зарар унинг суғурта қилдирувчидан олган суғурта пули суммасидан ортиқ миқдорда қопланишини талаб қилишга ҳақли.
7.6. Суғурта шартномаси тузилгандан кейин Суғурта қилдирувчи Суғурталовчига ёлғон хабар берса Суғурталовчи Суғурта шартномасини ҳақиқий эмас деб эътироф қилиш ҳуқуқига эга.


8. ТАРАФЛАРНИНГ ХУҚУҚ ВА МАЖБУРИЯТЛАРИ


8.1. Суғурта қилдирувчининг хуқуқлари:
8.1.1. Суғурта шартномаси муддати давомида Суғурталовчидан ипотека кредити суғуртаси бўйича маслаҳатлар олиш.
8.1.2. Суғурта ходисаси юз берганда Суғурталовчидан Суғурта товонини/қопламасини олиш.
8.1.3. Суғурта ходисаси бўйича холис экспертиза ўтказишни талаб қилиш.
8.1.4. Алоҳида объектлар ва мулк бўйича қўшимча суғурталаш.
8.1.5. Суғурталовчи билан келишилган холда Суғурта шартномасига қўшимча ва (ёки) ўзгартириш киритиш.
8.1.6. Суғурталовчини ва Наф олувчини огоҳлантирган ҳолда Суғурта шартномасини қонунчиликнинг белгиланган тартибида муддатидан олдин бекор қилиш.