Solishtirma og’irlik. Xajm birligidagi modda og’irligi suyuqliklarning solishtirma og’irligi deyiladi. Zichlik

Universal jihoz- deganda bir operasiyadan boshqasiga tezda qayta sozlash mumkin bo’lgan jihoz tushuniladi
Konveyer- avtomatlashtirilgan ishlab chiqarish komplektiga kiruvchi asosiy mashinalardan biridir.
Plastinali konveyer (23-rasm, v) donali zagotovka va buyumlarni tashish uchun ishlatiladi. Ularda issiq yuklarni ham tashish mumkin. Konveyerni 35° gacha qiyalatib qo’yish mumkin. Bitta yoki ikkita tortish zanjiri 5 ga mahkamlangan metall plastinalar 2 uning yuk tashuvchi organidir. Tortish zanjiri bitta bo’lganda plastina zanjirga o’rtasidan, ikkita bo’lganda esa ikki chekkasidan mahkamlanadi. Tortish zanjiri (zanjirlari) plastinalar bilan birga yuritish 3 va taranglash 1 yulduzchalari orqali o’tadi. Zanjirlar yo’naltiruvchi rama 4 bo’ylab sirpanib harakatlanadi. Ramaning uchlariga yuritish va taranglash yulduzchalari mahkamlangan. Plastinalar yassi, to’lqinsimon va qutisimon sirtli bo’lib, zarblarga yaxshi dosh beradi.
Vintli (shnekli) konveyer (23-rasm, g) changsimon va mayda bo’laklarga bo’lingan yuklarni, maydalangan qirindini gorizontal yoxud qiya (20° gacha) tekislikda tashish uchun mo’ljallangan. Tez aylanadigan vintsimon konveyerlar yuklarni vertikal yo’nalishda ko’chirish uchun ishlatiladi.
Vintli konveyer vint 5, yuritma 2, tarnov 3, yuklash va bo’shatish novlari 6, 1 dan tuzilgan. Vint kuraklari 4 yaxlit, lentasimon va ayrim kurakchalar ko’rinishida ishlanadi. Vint aylanganda kuraklar yukni tarnov bo’ylab suradi. Bunday turdagi konveyerning asosiy kamchiliklari shundan iboratki, vint kuraklari tez eyiladi va energiya ko’p sarflanadi.
Rolikli konveyer (23-rasm, d) gravitasion konveyerlar jumlasiga kiradi. Tortish organi bo’lmagan bu konveyer faqat yassi, qirrador yoki silindrik sirtli donali yuklar 3 ni ko’chirish uchun ishlatiladi. Mayda yuklar idishga solib, rolikni konveyerda tashiladi. Konveyer rama 1 dan tashkil topgan bo’lib, podshipniklar 4 da roliklar 2 aylanadi. Roliklar oralig’i yuk uzunligining yarmidan ortiq bo’lmasligi kerak. Konveyer ramasi 2—5° qiyalatib o’rnatilgan. Ko’chirilayotgan yukning og’irlik kuchi ta’sirida roliklar erkin aylanadi.
YUritma rolikli konveyerlar ham bo’ladi. YUritma seksiyadagi (seksiyaning uzunligi 2—3 m) barcha roliklarning tezligi bir xilda bo’ladigan qilib ishlangan. Rolikli konveyer seksiyalarini gorizontal tekislikka nisbatan burchak ostida o’rnatib har xil konfigurasiyali trassa hosil qilish mumkin.